പാലക്കാട് വൻ സ്‌പിരിറ്റ്‌ വേട്ട; 7 പേർ അറസ്‌റ്റിൽ

By Desk Reporter, Malabar News
Spirit-Hunt-in-Palakkad

പാലക്കാട്: ജില്ലയിലെ ആലത്തൂര്‍ അണക്കപ്പാറയില്‍ വന്‍ സ്‌പിരിറ്റ്‌ വേട്ട. വീട് കേന്ദ്രീകരിച്ച് നടത്തിയ വ്യാജ കള്ള് നിര്‍മാണ കേന്ദ്രത്തില്‍ നിന്നാണ് സ്‌പിരിറ്റ്‌ പിടികൂടിയത്. 12 കന്നാസ് സ്‌പിരിറ്റ്‌, 20 കന്നാസിൽ വെള്ളം കലർത്തിയ സ്‌പിരിറ്റ്‌, വ്യാജ കള്ള്, വാഹനങ്ങൾ എന്നിവയാണ് പിടികൂടിയത്. എക്‌സൈസ് എന്‍ഫോഴ്‌സ്‌മെന്റ് വിഭാഗമാണ് പരിശോധന നടത്തിയത്. ഏകദേശം12 ലക്ഷം രൂപയും ഇവിടെ നിന്ന് കണ്ടെത്തിയിട്ടുണ്ട്. സംഭവത്തില്‍ ഏഴ് പേരെ പിടികൂടി.

കോതമംഗലം സ്വദേശിയായ സോമൻ നായരാണ് വ്യാജമദ്യ നിർമാണത്തിന് പിന്നിൽ. ഇയാൾ ഒളിവിലാണ്. കട്ടിലിനടിയില്‍ പ്രത്യേക അറയില്‍ സൂക്ഷിച്ച നിലയിലായിരുന്നു സ്‌പിരിറ്റ്‌. കള്ള് കയറ്റിക്കൊണ്ടു പോകാനുപയോഗിച്ചതും സ്‌പിരിറ്റ്‌ കൊണ്ടുവന്നതുമായ 3 പിക്കപ്പ് വാഹനവും, 1 ക്വാളിസും എക്‌സൈസ് കസ്‌റ്റഡിയിലെടുത്തു.

സിഐമാരായ അനികുമാർ, സദയകുമാർ, കൃഷ്‌ണകുമാർ, എസ്ഐമാരായ മധുസൂധനൻ നായർ, സെന്തിൽകുമാർ എന്നിവരുടെ നേതൃത്വത്തിലായിരുന്നു റെയ്‌ഡ്‌.

Most Read:  കണ്ണൂർ വിമാനത്താവളം വഴി സ്വർണക്കടത്ത് കൂടുന്നു; ഈ വർഷം മാത്രം പിടികൂടിയത് 9 കിലോയിലേറെ

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE