കുന്നംകുളം: ചെമ്മണ്ണൂരിൽ ബിജെപി പ്രവർത്തകന്റെ ബൈക്ക് കത്തിച്ച സംഭവത്തിൽ രണ്ട് സിപിഎം പ്രവർത്തകരെ അറസ്റ്റ് ചെയ്തു. ചെമ്മണ്ണൂർ സ്വദേശികളായ കണ്ടംപുള്ളി വീട്ടിൽ വിബീഷ് (കൊച്ചു – 32), കല്ലിങ്ങൽ വീട്ടിൽ വിവേക് (24) എന്നിവരാണ് പിടിയിലായത്. പണിക്കശ്ശേരി പ്രസാദിന്റെ ബൈക്ക് വീട്ടിൽ നിന്നും എടുത്തുകൊണ്ടുപോയി കോതകുളത്തിന് സമീപത്തായി കത്തിച്ച കേസിലാണ് ഇവരെ അറസ്റ്റ് ചെയ്തത്. കഴിഞ്ഞ ശനിയാഴ്ചയാണ് കേസിന് ആസ്പദമായ സംഭവം നടന്നത്.
കുന്നംകുളം സിഐ കെജി സുരേഷിന്റെ നേതൃത്വത്തിലുള്ള അന്വേഷണ സംഘമാണ് പ്രതികളെ അറസ്റ്റ് ചെയ്തത്. എസ്ഐ ബാബു, എഎസ്ഐ ഷിബു എന്നിവരും പോലീസ് സംഘത്തിൽ ഉണ്ടായിരുന്നു.
Read also: പിഞ്ചുകുഞ്ഞിന്റെ മാല മോഷ്ടിച്ച് രക്ഷപ്പെട്ട കുപ്രസിദ്ധ മോഷ്ടാവ് പിടിയിൽ