തിരുവനന്തപുരം : എൽഡിഎഫ് നേതാവ് ബിനോയ് വിശ്വം എംപിക്ക് കോവിഡ് സ്‌ഥിരീകരിച്ചു. അദ്ദേഹം തന്നെയാണ് ഇക്കാര്യം ഫേസ്ബുക്ക് കുറിപ്പിലൂടെ അറിയിച്ചത്. നിലവിൽ തിരഞ്ഞെടുപ്പിനോട് അനുബന്ധിച്ചു നടക്കുന്ന തെക്കൻ മേഖലാ വികസന മുന്നേറ്റ യാത്രയുടെ ക്യാപ്റ്റനാണ് ബിനോയ് വിശ്വം.
ഇന്ന് രാവിലെയോടെയാണ് അദ്ദേഹത്തിന് കോവിഡ് സ്‌ഥിരീകരിച്ചത്. തുടർന്ന് തിരുവനന്തപുരം മെഡിക്കൽ കോളേജിൽ ചികിൽസക്കായി പ്രവേശിപ്പിച്ചു. നിലവിൽ രോഗലക്ഷണങ്ങൾ ഒന്നും തന്നെ ഇല്ലെങ്കിലും നിരീക്ഷണത്തിൽ തുടരും. കൂടാതെ കഴിഞ്ഞ ദിവസങ്ങളിൽ താനുമായി അടുത്തിടപഴകിയ ആളുകൾ നിരീക്ഷണത്തിൽ തുടരണമെന്നും, കോവിഡ് പരിശോധന നടത്തണമെന്നും അദ്ദേഹം ആവശ്യപ്പെട്ടു.
ഇന്നലെയാണ് ബിനോയ് വിശ്വത്തിന്റെ നേതൃത്വത്തിലുള്ള തെക്കൻ മേഖലാ വികസന മുന്നേറ്റ യാത്ര അവസാനിച്ചത്. തിരുവനന്തപുരത്താണ് സമാപന ചടങ്ങുകൾ നടന്നത്. മുഖ്യമന്ത്രി പിണറായി വിജയൻ ആയിരുന്നു സമാപന സമ്മേളനം ഉൽഘാടനം ചെയ്‌തത്‌.
Read also : പാലിന്റെ വിലയും 100 രൂപയാക്കുമെന്ന് ക്ഷീരകർഷകർ; പ്രതിഷേധം
