ലിമ: പെറുവിൽ ബോട്ടുകൾ കൂട്ടിയിടിച്ചുണ്ടായ അപകടത്തിൽ 11 മരണം. ആറ് പേർക്ക് പരിക്കേറ്റു. പെറുവിലെ യൂറിമാഗുവാസ് ജില്ലയിലെ ഹുവാല്ലഗ നദിയിലാണ് അപകടമുണ്ടായത്. നിരവധി പേരെ കാണാതായിട്ടുണ്ടെന്ന് പെറു ആരോഗ്യ മന്ത്രാലയത്തിന് കീഴിലെ സെക്ടോറിയൽ എമർജൻസി ഓപ്പറേഷൻസ് സെന്റർ അറിയിച്ചു.
ഞായറാഴ്ച രാവിലെ സാന്റാ മരിയയിൽ നിന്ന് യൂറിമാഗുവാസിലേക്ക് യാത്ര തിരിച്ച ബാർജ് യന്ത്രബോട്ടുമായി കൂട്ടിയിടിക്കുകയായിരുന്നു. 20 കുട്ടികളടക്കം 80 യാത്രക്കാരാണ് ബാർജിലുണ്ടായിരുന്നത്. അപകടം നടക്കുന്ന സമയത്ത് യാത്രക്കാരിൽ ഭൂരിഭാഗവും ഉറങ്ങുകയായിരുന്നു. ഒരു മതപരമായ ചടങ്ങിൽ പങ്കെടുത്ത് മടങ്ങുകയായിരുന്നു എന്ന് പ്രാദേശിക മാദ്ധ്യമങ്ങൾ റിപ്പോർട് ചെയ്യുന്നു.
പെറുവിയൻ നാവിക സേനയും സെക്ടോറിയൽ എമർജൻസി ഓപ്പറേഷൻസ് സെന്ററും സംയുക്തമായി രക്ഷാപ്രവർത്തനം നടത്തി. അപകടത്തിൽ പോലീസ് അന്വേഷണം ആരംഭിച്ചിട്ടുണ്ട്.
Also Read: ആൾകൂട്ട മർദ്ദനത്തിന് എതിരെ പ്രതിഷേധം; അറസ്റ്റിലായ യുവാവിന് പാക് ബന്ധമെന്ന് മന്ത്രി