ഇരിട്ടി: തില്ലങ്കേരി വാഴക്കാല് ഗവ യുപി സ്കൂള് വളപ്പില് ബോംബുകള് കണ്ടെത്തി. പ്ളാസ്റ്റിക് പെയിന്റ് ബക്കറ്റിനുള്ളില് ഒളിപ്പിച്ച നിലയിലാണ് നാല് ബോംബുകൾ കണ്ടെത്തിയത്. ബോംബ് സ്ക്വാഡ് എസ്ഐ അജിത്തിന്റെ നേതൃത്വത്തില് ഇവ കസ്റ്റഡിയിലെടുത്ത് നിര്വീര്യമാക്കി. തിങ്കളാഴ്ച വൈകീട്ട് നാലു മണിയോടെയാണ് മതിലിനോട് ചേര്ന്ന് വാഴകള്ക്കിടയില് ഒളിപ്പിച്ച നിലയില് ബോംബുകള് കണ്ടെത്തിയത്.
അധ്യാപകർ മുഴക്കുന്ന് പോലീസിനെ വിവരം അറിയിച്ചതിന്റെ അടിസ്ഥാനത്തില് എസ്ഐ പി റഹീമിന്റെ നേതൃത്വത്തില് പോലീസ് സംഘവും ബോംബ് സ്ക്വാഡും സ്ഥലത്തെത്തി. കഴിഞ്ഞ മാസം ബോളാണെന്ന് കരുതി ബോംബ് തട്ടിക്കളിക്കുന്നതിനിടെ പൊട്ടിത്തെറിച്ച് തില്ലങ്കേരി പടിക്കച്ചാലില് സ്കൂള് വിദ്യാർഥിക്ക് പരിക്കേറ്റിരുന്നു. സംഭവവുമായി ബന്ധപ്പെട്ട് അന്വേഷണം പുരോഗമിക്കുന്നതിന് ഇടയിലാണ് പ്രദേശത്ത് വീണ്ടും ബോംബുകള് കണ്ടെത്തിയത്.
Read also: ജില്ലയിലെ ചക്കിട്ടപ്പാറ പഞ്ചായത്തിൽ കാട്ടാനശല്യം രൂക്ഷമാകുന്നു