മുംബൈ: രാജ്യത്തെ 6 നഗരങ്ങളിൽ വൻ നിക്ഷേപത്തിന് ഒരുങ്ങി ബിപിസിഎൽ (ഭാരത് പെട്രോളിയം കോർപറേഷൻ ലിമിറ്റഡ്). സിറ്റി ഗ്യാസ് വിതരണ ശൃംഖലകൾ സ്ഥാപിക്കുന്നതിനായി അടുത്ത അഞ്ച് വർഷത്തിനുള്ളിൽ 10,000 കോടി രൂപ നിക്ഷേപിക്കുമെന്നാണ് ബിപിസിഎൽ ചൊവ്വാഴ്ച അറിയിച്ചത്. 6 നഗരങ്ങളിൽ പ്രകൃതി വാതക വിതരണം നടത്താനുള്ള ലൈസൻസ് ബിപിസിഎൽ സ്വന്തമാക്കിയിരുന്നു.
ആകെ 24 നഗരങ്ങളിലാണ് നിലവിൽ ബിപിസിഎല്ലിന് പ്രകൃതി വാതക വിതരണ അനുമതി ഉള്ളത്. പുതുതായി 6 നഗരങ്ങളെ കൂടി ഉൾപ്പെടുത്താൻ 10,000 കോടിയുടെ നിക്ഷേപമാണ് ബിപിസിഎൽ നടത്തുന്നത്. ആകെ 22,000 കോടിയുടെ പദ്ധതികളാണ് 24 നഗരങ്ങളിലായി ബിപിസിഎൽ നടപ്പാക്കുന്നത്. അടുത്ത 5 വർഷത്തിനുള്ളിൽ കൂടുതൽ നഗരങ്ങളിലേക്ക് പദ്ധതി വ്യാപിപ്പിക്കാനാണ് കമ്പനി ലക്ഷ്യമിടുന്നത്.
Read Also: ദിലീപിനെതിരായ ഗൂഢാലോചന കേസ്; അഭിഭാഷകനെ ചോദ്യം ചെയ്തു