ശ്രീകൃഷ്ണപുരം: വാഹനാപകടത്തിൽ സിനിമ-സീരിയൽ താരം തനിമയ്ക്ക് പരിക്ക്. മണ്ണാർക്കാട്ട് നിന്ന് ഷൂട്ടിങ് കഴിഞ്ഞ് മടങ്ങുന്നതിനിടെ താരം സഞ്ചരിച്ച കാർ അപകടത്തിൽ പെടുകയായിരുന്നു. തനിമയ്ക്കും സഹയാത്രികരായ രമ, ബിന്ദു, മീനാക്ഷി, പ്രദീപ് കുമാർ എന്നിവർക്കും പരിക്കേറ്റിട്ടുണ്ട്. ഇവർ സഞ്ചരിച്ച കാർ മതിലിൽ ഇടിച്ചാണ് അപകടത്തിൽപെട്ടത്.
അഞ്ചുപേരെയും മണ്ണാർക്കാട് വട്ടമ്പലത്തിലുള്ള സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. ഇവരിൽ രണ്ടുപേരുടെ നില ഗുരുതരമാണെന്നാണ് പ്രാഥമിക വിവരം. ശ്രീകൃഷ്ണപുരം പഞ്ചായത്ത് കല്യാണ മണ്ഡപത്തിന് സമീപത്ത് വെച്ച് കാർ മതിലിൽ ഇടിച്ചാണ് അപകടം നടന്നത്. അപകടത്തിൽ കാറിന്റെ മുൻവശം പൂർണമായി തകർന്നിട്ടുണ്ട്. തിരുവനന്തപുരം, കൊല്ലം, കൊട്ടാരക്കര സ്വദേശികളാണ് അപകടത്തിൽപെട്ടത്.
Most Read: മുതിർന്ന കോൺഗ്രസ് നേതാവ് പിടി തോമസ് അന്തരിച്ചു