തിരുവനന്തപുരം: മാസ്‌ക് ധരിക്കാതെ പുറത്തിറങ്ങിയതിന് സംസ്‌ഥാനത്ത്‌ ഇന്ന് 8214 പേർക്കെതിരേ കേസ് രജിസ്റ്റർ ചെയ്‌തു. കോവിഡ് നിയന്ത്രണങ്ങൾ ലംഘിച്ചതിന് സംസ്‌ഥാനത്താകെ 1905 പേർക്കെതിരെയും കേസെടുത്തു. 734 പേരാണ് ഇന്ന് അറസ്റ്റിലായത്. 78 വാഹനങ്ങൾ പിടിച്ചെടുത്തു. ക്വാറന്റീൻ ലംഘനത്തിന് ഏഴ് പേർക്കെതിരെയും കേസെടുത്തു.
നിരോധനാജ്‌ഞ ലംഘിച്ചതിന് 58 കേസുകളാണ് ഇന്ന് രജിസ്റ്റർ ചെയ്‌തിട്ടുള്ളത്‌. 124 പേർ അറസ്‌റ്റിലായി. തിരുവനന്തപുരം 1, കൊല്ലം 20, കോട്ടയം 1, ഇടുക്കി 13, തൃശൂർ 5, മലപ്പുറം 6, കോഴിക്കോട് 8, കണ്ണൂർ 4, എന്നിങ്ങനെയാണ് കേസുകൾ രജിസ്റ്റർ ചെയ്‌തത്‌. കൊല്ലം- 26, കോട്ടയം- 5, ഇടുക്കി- 5, തൃശൂർ 30, മലപ്പുറം- 37, കോഴിക്കോട്- 1, കണ്ണൂർ 20 എന്നിങ്ങനെയാണ് അറസ്റ്റിലായവരുടെ എണ്ണം.
ശ്രദ്ധിക്കുക:-
- വീടുകളിൽ നിന്ന് അത്യാവശ്യ ഘട്ടങ്ങളിൽ മാത്രം പുറത്തിറങ്ങുക.
- ഫേസ് കവർ അല്ലെങ്കിൽ മാസ്‌ക് നിർബന്ധമായും ധരിക്കുക.
- ആരോഗ്യ പ്രവർത്തകരുടെ നിർദ്ദേശങ്ങൾ കൃത്യമായി പാലിക്കുക.
- ചെറിയ അശ്രദ്ധ പോലും വലിയ വിപത്തുകൾക്ക് കാരണമായേക്കാം.
