തിരുവനന്തപുരം: വിഴിഞ്ഞം മുതല് കാസർഗോഡ് വരെയുള്ള കേരളാ തീരത്ത് ശക്തമായ തിരമാലയ്ക്ക് സാധ്യതയുണ്ടെന്ന് അറിയിച്ച് ദേശീയ സമുദ്ര സ്ഥിതിപഠന കേന്ദ്രം.
ഇന്ന് വൈകിട്ട് 5.30 മുതല് നാളെ രാത്രി 11.30 വരെ 2 മുതല് 3 മീറ്റര് വരെ ഉയരത്തില് തിരമാലകള് ഉണ്ടാകാന് സാധ്യതയുണ്ടന്നാണ് മുന്നറിയിപ്പ്.
കേരള തീരത്തോട് ചേര്ന്ന് കിടക്കുന്ന സമുദ്ര പ്രദേശത്തും ഉയര്ന്ന തിരമാലക്ക് സാധ്യതയുണ്ടെന്ന് അധികൃതർ അറിയിച്ചു.
മുന്നറിയിപ്പിന്റെ പശ്ചാത്തലത്തിൽ സംസ്ഥാന ദുരന്ത നിവാരണ അതോറിറ്റി പൊതുജനങ്ങള്ക്കായി പ്രത്യേക ജാഗ്രതാ നിര്ദ്ദേശം പുറത്തിറക്കി.
- കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദ്ദേശാനുസരണം മാറി താമസിക്കണം.
- മൽസ്യബന്ധന യാനങ്ങള് (ബോട്ട്, വള്ളം, തുടങ്ങിയവ) ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങള് തമ്മില് സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മൽസ്യബന്ധന ഉപകരണങ്ങളുടെ സുരക്ഷ ഉറപ്പാക്കണം.
- ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണമായും ഒഴിവാക്കുക.
Most Read: മുല്ലപ്പെരിയാറിലെ ജലനിരപ്പ് 137 അടി മതി; മേൽനോട്ട സമിതി