കോഴിക്കോട്: കേരള പര്യടനത്തിന്റെ ഭാഗമായി മുഖ്യമന്ത്രി പിണറായി വിജയൻ ഇന്ന് കോഴിക്കോട്, വയനാട് ജില്ലകളിൽ സന്ദർശനം നടത്തും. കോഴിക്കോട്ടെ മതമേലധ്യക്ഷൻമാരും സാംസ്കാരിക നായകൻമാരുമായി മുഖ്യമന്ത്രി കൂടിക്കാഴ്ച നടത്തും. വിവിധ മേഖലകളിലെ പ്രമുഖരായ 150 ഓളം പേരെ മുഖ്യമന്ത്രി ഇന്ന് കൂടിക്കാഴ്ചക്ക് ക്ഷണിച്ചിട്ടുണ്ട്.
മുസ്ലിം മത മേലധ്യക്ഷൻമാർ കൂടിക്കാഴ്ചക്കായി എത്തിച്ചേർന്നിട്ടുണ്ട്. കാന്തപുരം എപി അബൂബക്കർ മുസ്ലിയാർ ഇന്നലെ രാത്രി ഗസ്റ്റ് ഹൗസിൽ എത്തി മുഖ്യമന്ത്രിയുമായി കൂടിക്കാഴ്ച നടത്തി. എന്നാൽ കോഴിക്കോട്, താമരശ്ശേരി രൂപതകളിലെ ബിഷപ്പുമാർ മുഖ്യമന്ത്രിയുമായുള്ള കൂടിക്കാഴ്ചയിൽ പങ്കെടുക്കില്ല. യോഗം ബഹിഷ്കരിച്ചതല്ല എന്നാണ് രൂപതകളുടെ വിശദീകരണം. അതേസമയം, സിഎസ്ഐ മലബാർ മേഖലാ ബിഷപ്പ് യോഗത്തിൽ പങ്കെടുക്കുന്നുണ്ട്. എസ്എൻഡിപി, എൻഎസ്എസ് നേതാക്കളും യോഗത്തിൽ പങ്കെടുക്കുന്നില്ല.
Also Read: ഇടുക്കിയില് കൂടുതല് നിശാപാര്ട്ടികള് ആസൂത്രണം ചെയ്തതായി ഇന്റലിജന്സ് റിപ്പോര്ട്ട്