കൊച്ചി∙ സെമികണ്ടക്ടർ ചിപ്പ് ലഭ്യത ഉയർന്ന് തുടങ്ങിയതിന്റെ സൂചനയായി ജൂണിൽ കാർ നിർമാണവും വിൽപനയും വർധിച്ചു. 2021 ജൂണിലെ വിൽപനയെക്കാൾ 40 ശതമാനം കൂടുതലാണ് ഇത്തവണത്തെ വിൽപനയെന്ന് വാഹന ഡീലർമാരുടെ സംഘടനയായ ഫെഡറേഷൻ ഓഫ് ഓട്ടോമൊബൈൽ ഡീലേഴ്സ് അസോസിയേഷൻസ് അറിയിച്ചു. 2,60,683 പുതിയ കാറുകളാണ് കഴിഞ്ഞ മാസം രാജ്യത്ത് ഉടനീളമായി വിറ്റഴിച്ചത്.
തെലങ്കാന, ലഡാക്ക്, മധ്യപ്രദേശ് എന്നിവിടങ്ങളിലെ റീട്ടെയിൽ വിൽപനക്കണക്കുകൾ ഉൾപ്പെടുത്താതെ ആണിത്. കേന്ദ്രീകൃത ‘വാഹൻ’ പോർട്ടലിൽ ഈ മേഖലകൾ ഉൾപ്പെട്ടിട്ടില്ല. മൊത്തം വാഹന വിൽപന 15,51 ലക്ഷമാണ്. 27 ശതമാനത്തിന്റെ വർധനയാണ് ഉണ്ടായിരിക്കുന്നത്. കോവിഡിന് മുൻപത്തെ (2019) ജൂണിലേക്കാൾ 9 ശതമാനം കുറവാണിതെങ്കിലും മേഖലയിൽ വളർച്ച മുന്നോട്ടാണെന്നത് ആശ്വാസകരമാണ്.
Read Also: സജി ചെറിയാന്റെ വിവാദ പരാമർശം; സഭ ഇന്ന് പ്രക്ഷുബ്ധമായേക്കും