പാലക്കാട്: മുഖ്യമന്ത്രി പിണറായി വിജയനെതിരെ സാമൂഹിക മാദ്ധ്യമങ്ങൾ വഴി വധഭീഷണി മുഴക്കിയ സംഭവത്തിൽ ബിജെപി പ്രവർത്തകനെതിരെ പോലീസ് കേസെടുത്തു. പാലക്കാട് എലപ്പുള്ളി സ്വദേശി ജയപ്രകാശിനെതിരെയാണ് കേസെടുത്തത്. മുഖ്യമന്ത്രിയെ അസഭ്യം പറഞ്ഞതിനും വധഭീഷണി മുഴക്കിയതിനുമാണ് കേസ്.
ജയപ്രകാശ് മുഖ്യമന്ത്രിക്കെതിരെ വധഭീഷണി മുഴക്കിയ വീഡിയോ കഴിഞ്ഞ ദിവസമാണ് സാമൂഹിക മദ്ധ്യമങ്ങളിൽ പ്രചരിച്ചത്. പിന്നാലെ സിപിഎം പ്രവർത്തകർ ജയപ്രകാശിനെതിരെ കേസെടുക്കണമെന്ന് ആവശ്യപ്പെട്ട് പോലീസിൽ പരാതി നൽകുകയായിരുന്നു. നിലവിൽ ജയപ്രകാശ് ഒളിവിലാണെന്നാണ് പോലീസ് വ്യക്‌തമാക്കുന്നത്‌.
Most Read: അധ്യാപകനെതിരെ നടപടി വൈകുന്നു; കാലടിയിൽ ഗവേഷക വിദ്യാർഥിനിയുടെ പ്രതിഷേധം
