കണ്ണൂർ: ജില്ലയിൽ കമ്മ്യൂണിറ്റി കിച്ചൺ സംവിധാനത്തിന് തുടക്കമായി. ഐആർപിസിയുടെ നേതൃത്വത്തിൽ കണ്ണൂർ മുൻസിപ്പൽ ഹയർ സെക്കൻഡറി സ്കൂളിൽ നടന്ന പരിപാടി ഐആർപിസി ഉപദേശക സമിതി ചെയർമാൻ പി ജയരാജൻ ഉൽഘാടനം ചെയ്തു.
ആദ്യഘട്ടത്തിൽ വീടുകളിലെ കിടപ്പു രോഗികൾക്കും തനിച്ച് താമസിക്കുന്നവർക്കും ഭക്ഷണം എത്തിച്ച് നൽകും. കോർപ്പറേഷൻ പരിധിയിലെ ഇതര സംസ്ഥാന തൊഴിലാളികൾക്കും അവരുടെ രീതിയിലുള്ള ഭക്ഷണം എത്തിക്കാനുള്ള പദ്ധതി ആലോചനയിൽ ഉണ്ടെന്ന് പി ജയരാജൻ പറഞ്ഞു.
കിടപ്പ് രോഗികൾക്ക് മരുന്നുകൾ, ആംബുലൻസ് സർവീസ് എന്നിവയും ഐആർപിസി എത്തിക്കുന്നുണ്ട്. കൂടാതെ കോവിഡ് ബാധിച്ചു മരിച്ചവരുടെ സംസ്കാര ചടങ്ങുകൾ പയ്യാമ്പലത്ത് നടന്നു വരുന്നതും ഐആർപിസിയുടെ നേതൃത്വത്തിലാണ്.
Read also: ഇരിട്ടി ഹയർസെക്കണ്ടറി സ്കൂളിലെ മോഷണം; പ്രതികൾ പിടിയിൽ