തിരുവനന്തപുരം: സംസ്ഥാനത്ത് വാരാന്ത്യ ലോക്ക്ഡൗൺ ഇന്നും തുടരും. അവശ്യ സാധനങ്ങള് വില്ക്കുന്ന കടകള്ക്ക് മാത്രമേ തുറക്കാന് അനുമതിയുള്ളൂ. കെഎസ്ആര്ടിസി ദീര്ഘദൂര സര്വീസുകള് ഉച്ചക്ക് ശേഷം സര്വീസ് പുനരാരംഭിക്കും. നിയന്ത്രണങ്ങള് ലംഘിക്കുന്നവര്ക്ക് എതിരെ കര്ശന നടപടിയുണ്ടാകും. വ്യാഴം, വെള്ളി ദിവസങ്ങളിലെ ഇളവുകള്ക്ക് ശേഷമാണ് ഇന്നലെയും ഇന്നും സമ്പൂര്ണ ലോക്ക്ഡൗൺ ഏർപ്പെടുത്തിയത്.
ഹോട്ടലുകളില് ഹോം ഡെലിവറി മാത്രമേ ഉണ്ടാകൂ എന്ന നിര്ദ്ദേശത്തില് ഇളവ് അനുവദിച്ച് ഡിജിപി ഇന്നലെ ഉത്തരവിറക്കിയിരുന്നു. ഹോം ഡെലിവറി പ്രായോഗികമല്ലാത്ത സ്ഥലങ്ങളില് ഹോട്ടലുകളില് പോയി പാഴ്സല് വാങ്ങാം. ഇതിനായി പോകുന്നവര് സത്യവാങ്മൂലം കരുതണമെന്നും ഉത്തരവില് പറയുന്നു. അനാവശ്യമായി പുറത്തിറങ്ങുന്നവര്ക്ക് എതിരെ കര്ശന നടപടിയുണ്ടാകും.ഇളവുകള് അനുവദിച്ചതിന് ശേഷമുള്ള സമ്പൂര്ണ ലോക്ക്ഡൗൺ ആയതിനാല് പോലീസ് നിരീക്ഷണവും നടപടിയും കര്ശനമാണ്.
Read Also: ഇന്ധനവില വർധനവ്; തിങ്കളാഴ്ച സംസ്ഥാനത്ത് ചക്രസ്തംഭന സമരം