കോഴിക്കോട്: എംഎസ്എഫ് സംസ്‌ഥാന അധ്യക്ഷൻ ലൈംഗിക അധിക്ഷേപം നടത്തിയെന്ന പരാതിയിൽ പരാതിക്കാരിയായ നജ്‌മ തബഷീറ ഇന്ന് കോടതിയിൽ മൊഴി നൽകും. ഹരിതയുടെ പിരിച്ചു വിട്ട കമ്മിറ്റിയിലെ സംസ്‌ഥാന ജനറൽ സെക്രട്ടറിയായിരുന്നു നജ്‌മ.
ഇന്ന് ഉച്ചയ്‌ക്ക്‌ കോഴിക്കോട് ഒന്നാം ക്ളാസ് മജിസ്ട്രേറ്റ് കോടതിയിലാണ് ഐപിസി 164ആം വകുപ്പ് പ്രകാരം നജ്‌മയുടെ രഹസ്യമൊഴി രേഖപ്പെടുത്തുക. ലൈംഗിക അധിക്ഷേപ പരാതിയിൽ വെള്ളയിൽ പോലീസ് എടുത്ത കേസിന്റെ തുടർ നടപടിയാണിത്.
എംഎസ്എഫ് സംസ്‌ഥാന പ്രസിഡണ്ട് പികെ നവാസ് ഹരിത നേതാക്കൾക്കെതിരെ ലൈംഗികാധിക്ഷേപം നടത്തിയെന്നാണ് പരാതി. ലീഗ് നേതൃത്വത്തിന് പരാതി നൽകിയെങ്കിലും ഗൗരവമായി പരിഗണിച്ചില്ലെന്ന് ഹരിത നേതാക്കൾ ആരോപിച്ചിരുന്നു.
തുടർന്നാണ് ഹരിത നേതാക്കൾ പോലീസിൽ പരാതിപ്പെട്ടത്. പരാതി പിൻവലിക്കാൻ ലീഗ് ആവശ്യപ്പെട്ടെങ്കിലും ഹരിത നേതാക്കൾ തയ്യാറായിരുന്നില്ല. തുടർന്ന് കടുത്ത അച്ചടക്ക നടപടി ആരോപിച്ച് ലീഗ്, ഹരിത കമ്മിറ്റി പിരിച്ചുവിട്ടതും പുതിയ ഭാരവാഹികളെ പ്രഖ്യാപിച്ചതും വലിയ വിവാദങ്ങൾക്ക് വഴി വെച്ചിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
