തിരുവനന്തപുരം: കോവിഡ് വ്യാപനത്തിന്റെ പശ്ചാത്തലത്തില്‍ സംസ്ഥാനത്തെ ഓണത്തിരക്ക് നിയന്ത്രിക്കുന്നതിനായി കര്‍ശനനടപടികള്‍ സ്വീകരിക്കും. ഇതുമായി ബന്ധപ്പെട്ട നിര്‍ദ്ദേശങ്ങള്‍ നല്‍കിയതായി സംസ്ഥാന പോലീസ് മേധാവി ലോക് നാഥ് ബെഹ്റ അറിയിച്ചു. നിയന്ത്രണങ്ങളും സുരക്ഷാ മാനദണ്ഡങ്ങളും പോലീസ് ഉറപ്പ് വരുത്തും.
നിര്‍ദേശങ്ങള്‍
- ഓണവുമായ് ബന്ധപ്പെട്ട് വ്യാപാരസ്ഥാപനങ്ങള്‍ക്ക് രാവിലെ 7 മുതല്‍ രാത്രി 9 വരെ പ്രവര്‍ത്തിക്കാം
- കടയുടെ വലുപ്പമനുസരിച്ച് ഉപഭോക്താക്കളെ, അകത്ത് പ്രവേശിപ്പിക്കുക
- ഒരേ സമയം കടയില്‍ പ്രവേശിപ്പിക്കാവുന്ന ഉപഭോക്താക്കളുടെ എണ്ണം പുറത്ത് പ്രദര്‍ശിപ്പിക്കണം
- മറ്റ് ഉപഭോക്താക്കള്‍ക്ക് കാത്തുനില്‍ക്കുന്നതിനായ്, സ്ഥാപനത്തിന്റെ പുറത്ത് വട്ടമോ, ലൈനോ അടയാളപ്പെടുത്തുക
- എല്ലാ കടകളിലും കൃത്യമായ സാമൂഹിക സുരക്ഷാ മാനദണ്ഡങ്ങള്‍ പാലിക്കുക
- മാളുകള്‍, ഹൈപ്പര്‍ മാര്‍ക്കറ്റുകള്‍ തുടങ്ങിയവ തുറന്ന് പ്രവര്‍ത്തിക്കാന്‍ അനുമതിയുണ്ടെങ്കിലും, ഹോം ഡെലിവറിയാണെങ്കില്‍ നല്ലതായിരിക്കും
- പൊതുസ്ഥലങ്ങളില്‍ ഓണാഘോഷപരിപാടികള്‍ അനുവദിക്കില്ല
- കൂട്ടം കൂടാനോ,പൊതുപരിപാടികള്‍ നടത്താനോ സമ്മതിക്കില്ല
- പായസം, മത്സ്യം എന്നിവയുടെ വിതരണം സുരക്ഷാ മാനദണ്ഡങ്ങളോട് കൂടി മാത്രമേ അനുവദിക്കുകയുള്ളു
- അനാവശ്യമായ യാത്രകളും,സന്ദര്‍ശനങ്ങളും ഒഴിവാക്കുക
- കണ്ടൈന്‍മെന്റ് സോണുകളില്‍ നിയന്ത്രണങ്ങള്‍ തുടരും
