മലപ്പുറം : സംസ്‌ഥാനത്തെ പ്രതിദിന കോവിഡ് കണക്കിൽ മലപ്പുറം ജില്ലയിൽ വീണ്ടും കേസുകൾ 2000 കടന്നു. 2,752 പേർക്കാണ് മലപ്പുറത്ത് ഇന്ന് കോവിഡ് സ്‌ഥിരീകരിച്ചത്‌. സംസ്‌ഥാനത്തെ ഏറ്റവും ഉയർന്ന കണക്കാണിത്. ഇന്ന് രോഗബാധിതരായ ആളുകളിൽ 2,673 പേർക്കും സമ്പർക്കത്തിലൂടെയാണ് രോഗബാധ ഉണ്ടായത്.
ജില്ലയിൽ ഇന്ന് കോവിഡ് മുക്‌തരായ ആളുകളുടെ എണ്ണവും 2000ന് മുകളിലാണ്. 2,453 പേരാണ് ജില്ലയിൽ ഇന്ന് കോവിഡ് മുക്‌തരായത്. കൂടാതെ ജില്ലയിലെ നിലവിലെ കോവിഡ് ടെസ്‌റ്റ് പോസിറ്റിവിറ്റി നിരക്ക് 17.99 ശതമാനമാണ്. സംസ്‌ഥാനത്ത് ഇന്ന് മലപ്പുറം ജില്ലയിൽ മാത്രമാണ് 2000ന് മുകളിൽ കോവിഡ് കേസുകൾ റിപ്പോർട് ചെയ്‌തത്‌.
അതേസമയം സംസ്‌ഥാനത്ത് ഇന്ന് 16,848 പേർക്ക് കോവിഡ് സ്‌ഥിരീകരിച്ചു. ഇന്ന് 8 ജില്ലകളിലാണ് 1000ന് മുകളിൽ കോവിഡ് കേസുകൾ റിപ്പോർട് ചെയ്‌തത്‌. കൂടാതെ 104 പേർ സംസ്‌ഥാനത്തിന്റെ വിവിധ ഭാഗങ്ങളിലായി കോവിഡിനെ തുടർന്ന് മരിക്കുകയും ചെയ്‌തു. ഇതോടെ സംസ്‌ഥാനത്ത് ഇതുവരെ കോവിഡിനെ തുടർന്ന് മരിച്ച ആകെ ആളുകളുടെ എണ്ണം 15,512 ആയി ഉയർന്നു.
Read also : കരുവാരകുണ്ടിൽ വാക്‌സിൻ സ്വജനപക്ഷപാതം; പ്രതിഷേധം നയിച്ച്‌ യൂത്ത്‌ലീഗ്‌
