അബുദാബി : യുഎഇയിൽ കഴിഞ്ഞ 24 മണിക്കൂറിലും കോവിഡ് പോസിറ്റീവ് കേസുകളുടെ എണ്ണം 2000ന് മുകളിൽ തുടരുന്നു. 2,167 പേർക്കാണ് കഴിഞ്ഞ 24 മണിക്കൂറിൽ രാജ്യത്ത് കോവിഡ് സ്ഥിരീകരിച്ചത്. കൂടാതെ കോവിഡ് ബാധിച്ചു ചികിൽസയിൽ കഴിഞ്ഞിരുന്ന 2,102 പേരാണ് കഴിഞ്ഞ 24 മണിക്കൂറിൽ കോവിഡ് മുക്തരായത്.
രാജ്യത്ത് ഇതുവരെ കോവിഡ് ബാധിച്ച ആകെ ആളുകളുടെ എണ്ണം 6,16,160 ആണ്. ഇവരിൽ 5,95,086 പേരും ഇതുവരെ രോഗമുക്തരായി. കഴിഞ്ഞ 24 മണിക്കൂറിൽ 4 പേരാണ് കോവിഡ് ബാധിച്ചു മരിച്ചത്. നിലവിൽ രാജ്യത്ത് 19,307 ആളുകളാണ് രാജ്യത്തെ വിവിധ ആശുപത്രികളിൽ ചികിൽസയിൽ കഴിയുന്നത്. കൂടാതെ കഴിഞ്ഞ 24 മണിക്കൂറിൽ 2,74,675 കോവിഡ് പരിശോധനകൾ നടത്തിയതിൽ നിന്നാണ് 2,167 പേർക്ക് കോവിഡ് സ്ഥിരീകരിച്ചത്.
Read also : വിസ്മയയുടേത് തൂങ്ങി മരണമെന്ന് പ്രാഥമിക റിപ്പോർട്; അന്വേഷണ ചുമതല ഐജി ഹർഷിതക്ക്