ന്യൂഡെൽഹി: രാജ്യത്ത് പ്രതിദിന കോവിഡ് കണക്കുകളിൽ വർധന തുടരുന്നു. കഴിഞ്ഞ 24 മണിക്കൂറിൽ രാജ്യത്ത് 3,545 പേർക്കാണ് കോവിഡ് സ്ഥിരീകരിച്ചത്. കഴിഞ്ഞ ദിവസത്തെ അപേക്ഷിച്ച് 8.2 ശതമാനത്തിന്റെ വർധനയാണ് കഴ്ഞ്ഞ 24 മണിക്കൂറിൽ രോഭാഗത്തിത്തരുടെ എണ്ണത്തിൽ രേഖപ്പെടുത്തിയത്.
അതേസമയം രാജ്യത്ത് ഇതുവരെ കോവിഡ് സ്ഥിരീകരിച്ച ആകെ ആളുകളുടെ എണ്ണം 4,30,94,938 ആയി ഉയർന്നു. കൂടാതെ കഴിഞ്ഞ ദിവസം രാജ്യത്ത് റിപ്പോർട് ചെയ്ത 27 കോവിഡ് മരണങ്ങൾ കൂടിയായപ്പോൾ ആകെ കോവിഡ് മരണസംഖ്യ 5,24,002 ആയും ഉയർന്നു.
കഴിഞ്ഞ 24 മണിക്കൂറിൽ രാജ്യത്ത് റിപ്പോർട് ചെയ്ത കോവിഡ് കേസുകളിൽ 38.5 ശതമാനവും ഡെൽഹിയിലാണ്. 1,365 പേർക്കാണ് കഴിഞ്ഞ 24 മണിക്കൂറിൽ ഡെൽഹിയിൽ രോഗബാധ ഉണ്ടായത്. കൂടാതെ ഹരിയാന- 534, ഉത്തർപ്രദേശ്- 356, കേരളം-342, മഹാരാഷ്ട്ര- 233 എന്നിങ്ങനെയാണ് മറ്റ് സംസ്ഥാനങ്ങളിലെ കണക്കുകൾ.
Read also: ‘എൽഡിഎഫ് സ്ഥാനാർഥി നിർണയത്തിൽ ഗൂഢാലോചന; ബാഹ്യ ഇടപെടൽ വ്യക്തം’