തിരുവനന്തപുരം: കോവിഡിനെതിരെയുള്ള ഹോമിയോ പ്രതിരോധ മരുന്ന് കഴിച്ചവരില്‍ രോഗബാധ കുറവെന്ന് സംസ്ഥാന ആരോഗ്യമന്ത്രി കെ.കെ ഷൈലജ. ഹോമിയോ കഴിച്ചവരില്‍ കുറവ് പേര്‍ക്ക് മാത്രമേ രോഗം സ്ഥിരീകരിച്ചിട്ടുള്ളുവെന്നും മരുന്ന് കഴിച്ചിട്ടും രോഗം ബാധിച്ചവരില്‍ വളരെ പെട്ടെന്ന് രോഗം ഭേദമായതായും ആരോഗ്യമന്ത്രി അറിയിച്ചു. ഹോമിയോ വകുപ്പിലെ പത്തനംതിട്ട ഡിഎംഒ ഡോ. ബിജു നടത്തിയ പഠനത്തിലാണ് പുതിയ കണ്ടെത്തലെന്നും മന്ത്രി വ്യക്തമാക്കി. പ്രതിരോധ മരുന്ന് കഴിച്ചിട്ടും രോഗം ബാധിക്കുന്നവര്‍ മൂന്നോ നാലോ ദിവസം കൊണ്ട് കോവിഡ് നെഗറ്റീവാകുന്നുണ്ടെന്നും ആരോഗ്യമന്ത്രി പറഞ്ഞു.
ഹോമിയോ മരുന്നുകള്‍ ഉപയോഗിച്ച് കൊറോണയെ ചികിത്സിക്കാന്‍ ഐസിഎംആര്‍ മാര്‍ഗനിര്‍ദ്ദേശങ്ങള്‍ അനുവദിക്കുന്നില്ല. എന്നാല്‍ കോവിഡിനെതിരായ ഹോമിയോ പ്രതിരോധ മരുന്നുകള്‍ നേരത്തെ തന്നെ കേരളത്തില്‍ വിതരണം ചെയ്തിരുന്നു.
അതേസമയം, ഇന്ന് കേരളത്തില്‍ 3,082 പേര്‍ക്ക് പുതുതായി കോവിഡ് സ്ഥിരീകരിച്ചു. 2,196 പേര്‍ രോഗമുക്തി നേടി.
