കണ്ണൂർ: ജില്ലാ ആശുപത്രിയിൽ കോവിഡ് രോഗികൾക്കും കൂട്ടിരിപ്പുകാർക്കും സഹായം ലഭ്യമാക്കുന്നതിന്‌ ജില്ലാ പഞ്ചായത്തിന്റെ നേതൃത്വത്തിൽ 24 മണിക്കൂറും പ്രവർത്തിക്കുന്ന ഹെൽപ് ഡെസ്ക് ആരംഭിക്കും. ശനിയാഴ്‌ച പകൽ 11.30 മുതൽ ഇതിന്റെ സേവനം ലഭിക്കും.
ഐആർപിസി സഹായത്തോടെ കോവിഡ് രോഗികൾക്കായുള്ള ആംബുലൻസ്‌ അടക്കമുള്ള വാഹനസൗകര്യവും സജ്‌ജമാണെന്ന്‌ പ്രസിഡണ്ട് പിപി ദിവ്യ അറിയിച്ചു. ഹെൽപ്പ് ലൈൻ നമ്പർ: 94003 82555.
രോഗികൾക്ക്‌ പുറമെനിന്ന് ചെയ്യേണ്ട ബ്ളഡ്‌ ടെസ്‌റ്റും ആവശ്യമായ മറ്റു സഹായങ്ങളും റഫറൽ രോഗികൾക്ക്‌ ആംബുലൻസ്‌, ഐസിയു, വെന്റിലേറ്റർ സംവിധാനം എന്നിവ കണ്ടെത്തി കൃത്യമായ വിവരങ്ങളും സഹായങ്ങളും നൽകലും ഉൾപ്പടെയുള്ള സേവനങ്ങൾ പൊതുജനങ്ങൾക്ക് ലഭ്യമാവും.
അതിന് പുറമെ മരണപ്പെട്ട രോഗികളുടെ സംസ്‌കാരം നടത്തുന്നതിനുമുള്ള സഹായം, ഡിസ്‌ചാർജ്‌ ചെയ്യുന്ന രോഗികൾക്ക്‌ ആവശ്യമായ വാഹന സൗകര്യം, അടിയന്തര ആവശ്യം വരുന്നവർക്ക്‌ രക്‌തം ലഭ്യമാക്കൽ, പുറമെനിന്നുള്ള മരുന്നുകളും ആവശ്യമായ ഉപകരണങ്ങളും എത്തിക്കൽ, ജില്ലയിലെ മുഴുവൻ ആശുപത്രികളും, ജില്ലക്ക് പുറത്തുള്ള പ്രധാന ആശുപത്രികളും ആയുള്ള ഏകോപനം തുടങ്ങിയ സേവനങ്ങൾ ഹെൽപ് ഡെസ്‌ക്കിൽനിന്ന്‌ ലഭിക്കും.
Read Also: കാർ യാത്രക്കാരെ തടഞ്ഞ് നിർത്തി ആക്രമണം; കവർച്ച; പ്രതികൾ അറസ്‌റ്റിൽ
