മാനന്തവാടി: കോവിഡ് പ്രതിരോധ പ്രവർത്തനങ്ങളുടെയും മഴക്കാല മുന്നൊരുക്കത്തിന്റെയും ഭാഗമായി നഗരസഭയുടെ നേതൃത്വത്തിൽ മാനന്തവാടി ടൗണും പരിസര പ്രദേശങ്ങളും ശുചിയാക്കി. വയനാട് മെഡിക്കൽ കോളേജ് പരിസരവും വൃത്തിയാക്കി. നഗരസഭാധ്യക്ഷ സികെ രത്‌നവല്ലി ശുചീകരണ പ്രവർത്തനങ്ങൾ ഉൽഘാടനം ചെയ്‌തു.
നഗരസഭാ ആരോഗ്യവകുപ്പ് ജീവനക്കാർ, വ്യാപാരികൾ, ട്രേഡ് യൂണിയൻ പ്രവർത്തകർ, രാഷ്‌ട്രീയ കക്ഷി പ്രതിനിധികൾ, സന്നദ്ധ സംഘടനാ പ്രവർത്തകർ, ഡ്രൈവർമാർ എന്നിവർ ശുചീകരണത്തിൽ പങ്കെടുത്തു. ഉപാധ്യക്ഷൻ പിവിഎസ് മൂസ, കൗൺസിലർമാരായ ജേക്കബ് സെബാസ്‌റ്റ്യൻ, പിവിആർ പ്രവീജ്, സിന്ധു സെബാസ്‌റ്റ്യൻ, സീമന്ദിനി സുരേഷ്, എം നാരായണൻ, ബിഡി അരുൺകുമാർ, മാനന്തവാടി മർച്ചന്റ് അസോസിയേഷൻ ഭാരവാഹികളായ കെ ഉസ്‌മാൻ, പിവി മഹേഷ് തുടങ്ങിയവർ നേതൃത്വം നൽകി.
Read also: രണ്ട് സീറ്റുകൾ നഷ്‌ടപ്പെട്ടേക്കാം; 7 മണ്ഡലങ്ങളിൽ കടുത്ത മൽസരം; തുടർഭരണം ഉറപ്പെന്ന് സിപിഐ
