മസ്‌ക്കറ്റ് : കോവിഡ് വ്യാപനം രൂക്ഷമായ സാഹചര്യത്തിൽ ഒമാനിലെ ദോഫാര്‍ ഗവര്‍ണറേറ്റില്‍ പ്രഖ്യാപിച്ച രാത്രി സഞ്ചാര വിലക്കിന്റെ സമയക്രമത്തില്‍ മാറ്റം വരുത്തി. ഒമാൻ സുപ്രീം കമ്മിറ്റിയാണ് ഇക്കാര്യം വ്യക്‌തമാക്കി പ്രസ്‌താവന പുറത്തിറക്കിയത്. പുതിയ സമയക്രമം അനുസരിച്ച് വൈകുന്നേരം 6 മണി മുതൽ പുലർച്ചെ 5 മണി വരെ ആയിരിക്കും യാത്രാവിലക്ക് ഉണ്ടായിരിക്കുക.
ദോഫാർ ഗവർണറേറ്റിൽ നേരത്തെ രാത്രി യാത്രക്ക് വിലക്ക് ഉണ്ടായിരുന്നത് രാത്രി 9 മണി മുതൽ പുലർച്ചെ 4 മണി വരെ ആയിരുന്നു. എന്നാൽ കോവിഡ് വ്യാപനം രൂക്ഷമാകുന്ന സാഹചര്യത്തിൽ സമയക്രമത്തിൽ മാറ്റം വരുത്താൻ അധികൃതർ തീരുമാനിക്കുകയായിരുന്നു. ഇത് പ്രകാരം ഏപ്രിൽ 17 മുതലാണ് പുതിയ സമയക്രമം നിലവിൽ വരുന്നത്. തുടർന്ന് ഒരറിയിപ്പ് ഉണ്ടാകുന്നത് വരെ ഈ സമയത്ത് യാത്രാവിലക്ക് തുടരുമെന്നും അധികൃതർ വ്യക്‌തമാക്കി.
Read also : ലൈക്കുകൾ ഒളിപ്പിക്കാം; പുതിയ ഫീച്ചറുമായി ഇൻസ്‌റ്റഗ്രാം
