ന്യൂഡെൽഹി : രാജ്യത്ത് ഇതുവരെ 36 കോടിയിലധികം ഡോസ് കോവിഡ് വാക്‌സിൻ വിതരണം ചെയ്‌തതായി വ്യക്‌തമാക്കി ആരോഗ്യ മന്ത്രാലയം. 36.89 കോടി ഡോസ് വാക്‌സിനാണ് രാജ്യത്താകമാനം ഇതുവരെ വിതരണം ചെയ്‌തത്‌. ഇതിൽ 18 മുതൽ 44 വയസ് വരെ പ്രായമുള്ള ആളുകൾക്ക് 11.18 കോടി ഡോസ് വാക്‌സിൻ വിതരണം ചെയ്‌തതായും മന്ത്രാലയം വ്യക്‌തമാക്കി.
ഇന്ത്യയിലെ എല്ലാ സംസ്‌ഥാനങ്ങളിലുമായി 18-44 പ്രായപരിധിയിലുള്ള 10,84,53,590 പേര്‍ക്ക് ആദ്യ ഡോസും, 33,79,213 പേര്‍ക്ക് രണ്ടാം ഡോസും ലഭിച്ചു. കൂടാതെ ഉത്തര്‍പ്രദേശ്, മധ്യപ്രദേശ്, രാജസ്‌ഥാന്‍, തമിഴ്‌നാട്, ബിഹാര്‍, ഗുജറാത്ത്, കര്‍ണാടക, മഹാരാഷ്‌ട്ര എന്നീ 8 സംസ്‌ഥാനങ്ങളിൽ ഇതിനോടകം തന്നെ 18-44 പ്രായപരിധിയിലുള്ള 50 ലക്ഷത്തിലധികം ആളുകൾക്ക് വാക്‌സിൻ വിതരണം ചെയ്‌തതായും ആരോഗ്യ മന്ത്രാലയം വ്യക്‌തമാക്കി.
Read also : മലപ്പുറം വട്ടപ്പാറ വളവിൽ ചരക്കു ലോറി മറിഞ്ഞു; ഡ്രൈവറുടെ നില ഗുരുതരം
