തിരുവനന്തപുരം: സംസ്ഥാനത്ത് ഇന്ന് 15,033 ആരോഗ്യ പ്രവര്ത്തകര് കോവിഡ് വാക്സിന് സ്വീകരിച്ചതായി ആരോഗ്യ വകുപ്പ് മന്ത്രി കെകെ ശൈലജ അറിയിച്ചു. 298 വാക്സിനേഷന് കേന്ദ്രങ്ങളിലാണ് ഇന്ന് വാക്സിന് കുത്തിവെപ്പ് നടന്നത്. എറണാകുളം ജില്ലയിലാണ് ഏറ്റവും കൂടുതല് വാക്സിനേഷന് കേന്ദ്രങ്ങളുണ്ടായിരുന്നത്. 62 കേന്ദ്രങ്ങളാണ് എറണാകുളം ജില്ലയിൽ ഉണ്ടായിരുന്നത്. കൂടാതെ ആലപ്പുഴ 15, ഇടുക്കി 10, കണ്ണൂര് 36, കൊല്ലം 8, കോട്ടയം 25, കോഴിക്കോട് 26, മലപ്പുറം 42, പാലക്കാട് 6, പത്തനംതിട്ട 3, തിരുവനന്തപുരം 38, തൃശൂര് 21, വയനാട് 6 എന്നിങ്ങനെയാണ് മറ്റ് ജില്ലകളിലെ കോവിഡ് വാക്സിനേഷന് കേന്ദ്രങ്ങളുടെ എണ്ണം.
3,482 ആരോഗ്യപ്രവർത്തകരാണ് എറണാകുളം ജില്ലയിൽ ഇന്ന് വാക്സിൻ സ്വീകരിച്ചത്. എറണാകുളം ജില്ലയിൽ തന്നെയാണ് ഇന്ന് ഏറ്റവും കൂടുതല് ആരോഗ്യ പ്രവര്ത്തകര് വാക്സിന് സ്വീകരിച്ചതും. ആലപ്പുഴ 529, ഇടുക്കി 401, കണ്ണൂര് 1,388, കൊല്ലം 650, കോട്ടയം 1,118, കോഴിക്കോട് 1,598, മലപ്പുറം 1,582, പാലക്കാട് 238, പത്തനംതിട്ട 320, തിരുവനന്തപുരം 2,418, തൃശൂര് 955, വയനാട് 354 എന്നിങ്ങനെയാണ് മറ്റ് ജില്ലകളിൽ ഇന്ന് വാക്സിന് സ്വീകരിച്ചവരുടെ എണ്ണം. ഇതോടെ സംസ്ഥാനത്ത് ഇതുവരെ വാക്സിൻ സ്വീകരിച്ച ആകെ ആരോഗ്യ പ്രവര്ത്തകരുടെ എണ്ണം 2,90,112 ആയി ഉയർന്നു.
Read also : വനിതാ വികസന കോർപറേഷൻ; പരസ്യ ചിത്രങ്ങളുടെ ലോഞ്ചിങ് പൂർത്തിയായി