കോവിഡ് വാക്‌സിൻ സംഭരണം; ഡെൽഹിയിലും ഹൈദരാബാദിലും ക്രമീകരണങ്ങൾ ആരംഭിച്ചു

By Trainee Reporter, Malabar News
Representational image
Ajwa Travels

ന്യൂഡെൽഹി: കോവിഡ് വാക്‌സിന്റെ മൂന്നുകോടി ഡോസുകൾ സംഭരിക്കാൻ കഴിയുന്ന ശീതികരിച്ച സംവിധാനങ്ങൾ രാജ്യത്തുണ്ടെന്ന് വ്യക്‌തമാക്കി കേന്ദ്ര സർക്കാർ. ആരോഗ്യ പ്രവർത്തകർക്ക് ഉൾപ്പടെ നൽകാൻ ആദ്യ ഘട്ടത്തിൽ വാക്‌സിന്റെ 300 കോടി ഡോസുകൾ ലഭ്യമാക്കുമെന്ന് സർക്കാർ നേരത്തെ അറിയിച്ചിരുന്നു.

അതിനിടെ, ഡെൽഹി, ഹൈദരാബാദ് വിമാനത്താവളങ്ങളിൽ കോവിഡ് വാക്‌സിൻ സൂക്ഷിക്കാൻ കഴിയുന്ന വിധത്തിലുള്ള ശീതികരിച്ച സംവിധാനങ്ങളും പ്രത്യേക മേഖലകളും തയാറാക്കാൻ ആരംഭിച്ചു. ഈ രണ്ട് വിമാനത്താവളങ്ങളിലും മരുന്നുകളും വാക്‌സിനുകളും സംഭരിക്കുന്നതിനും കൈകാര്യം ചെയ്യുന്നതിനുമുള്ള സംവിധാനങ്ങൾ ഒരുക്കിക്കഴിഞ്ഞു. താപനില മൈനസ് 20 ഡിഗ്രി വരെ ക്രമീകരിക്കാവുന്ന കൂൾ ചേംബറുകൾ, വാക്‌സിൻ അടക്കമുള്ളവ സുരക്ഷിതമായി വിമാനങ്ങളിൽ നിന്ന് കാർഗോ ടെർമിനലുകളിലേക്ക് എത്തിക്കുന്നതിനുള്ള പ്രത്യേക ട്രോളികൾ എന്നിവയും രണ്ടിടത്തുമുണ്ട്.

കോവിഡ് വ്യാപനത്തിന്റെ ആദ്യ നാളുകളിൽ പിപിഇ കിറ്റുകൾ, മരുന്നുകൾ, പെട്ടെന്ന് കേടുവരുന്ന വസ്‌തുക്കൾ തുടങ്ങിയവ കൈകാര്യം ചെയ്യുന്നതിനുള്ള പ്രധാന കേന്ദ്രങ്ങളായി രണ്ട് വിമാനത്താവളങ്ങളും പ്രവർത്തിച്ചിരുന്നു. വാക്‌സിനുകൾ മനുഷ്യ സ്‌പർശമേൽക്കാതെ തന്നെ കൈകാര്യം ചെയ്യുവാനും സംഭരിക്കാനും രണ്ടിടത്തും കഴിയും.

അതിനിടെ, കോവിഡ് വാക്‌സിന്റെ അടിയന്തിര ഉപയോഗത്തിനായി സിറം ഇൻസ്‌റ്റിറ്റ്യൂട്ട്, ഫൈസർ, ഭാരത് ബയോടെക്ക് എന്നിവ സമർപ്പിച്ച അപേക്ഷയിൽ നാളെ തീരുമാനമെടുക്കുമെന്നാണ് റിപ്പോർട്ടുകൾ.

Read also: ഫൈസർ വാക്‌സിൻ സുരക്ഷിതമെന്ന് യുഎസ് ഏജൻസി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE