കൊച്ചി: സിനിമാ മേഖലയിലെ പ്രതിസന്ധി ചർച്ച ചെയ്യാൻ ഫിലിം ചേംബറിന്റെ അധ്യക്ഷ്യതയിൽ ഇന്ന് കൊച്ചിയിൽ യോഗം ചേരും. സിനിമാ മേഖല നേരിടുന്ന കടുത്ത സാമ്പത്തിക പ്രതിസന്ധി എങ്ങനെ മറികടക്കുമെന്ന് വിശദമായി ചർച്ച ചെയ്യുന്നതിനാണ് യോഗം.
അഭിനേതാക്കളുടെ സംഘടനായ അമ്മ, സാങ്കേതിക പ്രവർത്തകരുടെ സംഘടനയായ ഫെഫ്ക എന്നിവയുടെ ഭാരവാഹികളെയും യോഗത്തിലേക്ക് ക്ഷണിച്ചിട്ടുണ്ട്. കഴിഞ്ഞ ആറ് മാസത്തിനിടെ തിയേറ്ററുകളിൽ എത്തിയ 74 ചിത്രങ്ങളിൽ ആറ് ചിത്രങ്ങൾ മാത്രമാണ് വിജയം നേടിയത്.
ഈ സാഹചര്യത്തിൽ താരങ്ങൾ പ്രതിഫലം കുറക്കുന്നത് ഉൾപ്പടെയുള്ള കാര്യങ്ങൾ നിർമാതാക്കൾ യോഗത്തിൽ ആവശ്യപ്പെടും. പൊതുധാരണക്ക് വിരുദ്ധമായി ചിത്രങ്ങൾ ഒടിടിക്ക് നൽകുന്നതിലും ഒരു വിഭാഗത്തിന് അമർഷമുണ്ട്.
Most Read: മഴ ശക്തം; ദേവികുളം താലൂക്കിലും നിലമ്പൂർ വിദ്യാഭ്യാസ ഉപജില്ലയിലും ഇന്ന് അവധി