തിരുവനന്തപുരം: കെഎസ്ആർടിസിയുടെ പ്രതിദിന വരുമാനം 5 കോടി കടന്നു. കോവിഡ് വ്യാപനത്തിന് ശേഷം ആദ്യമായാണ് പ്രതിദിന വരുമാനം 5 കോടി കടക്കുന്നത്. നവംബർ 22ആം തീയതി 5.28 കോടി രൂപയാണ് കെഎസ്ആർടിസിയിൽ വരുമാനമായി ലഭിച്ചത്.
കോവിഡിന് മുൻപ് കഴിഞ്ഞ 2020 മാർച്ച് 11ആം തീയതിയാണ് കെഎസ്ആർടിസിക്ക് അവസാനമായി 5 കോടി രൂപയ്‌ക്കടുത്ത് വരുമാനം ലഭിച്ചത്. അന്ന് 4,572 ബസുകളാണ് സർവീസ് നടത്തിയിരുന്നത്. നിലവിൽ 3,445 കെഎസ്ആർടിസി ബസുകളാണ് സർവീസ് നടത്തുന്നത്. ഇതിൽ നിന്നാണ് നവംബർ 22ന് 5 കോടിയിൽ കൂടുതൽ വരുമാനം ലഭിച്ചത്.
പമ്പയിലേക്ക് നടത്തിയ 66 സ്‌പെഷ്യൽ സർവീസുകളിൽ നിന്നുമാത്രം 6,51,495 രൂപയാണ് വരുമാനം ലഭിച്ചത്. കോവിഡ് വ്യാപനത്തിന് ശേഷം കെഎസ്ആർടിസി സർവീസുകൾ പഴയപടി ആകുന്നതോടെയാണ് പ്രതിദിന വരുമാനത്തിൽ വർധന ഉണ്ടായിരിക്കുന്നത്.
Read also: ഐഎസ് തീവ്രവാദ കേസ്; വയനാട് സ്വദേശിക്ക് അഞ്ച് വർഷം കഠിന തടവ്
