കോഴിക്കോട്: കഞ്ചാവ് കേസ് പ്രതികൾ എക്സൈസ് ഓഫിസ് അടിച്ചു തകർത്തു. നരയംകുളം സ്വദേശി ലതീഷ്, കായണ്ണ സ്വദേശി ശ്യാം എന്നിവർ ചേർന്ന് കോഴിക്കോട് പേരാമ്പ്ര എക്സൈസ് സർക്കിൾ ഇന്സ്പെക്ടറുടെ ഓഫിസാണ് അടിച്ചു തകർത്തത്.
ഇന്ന് വൈകീട്ടോടെയാണ് സംഭവം. പ്രതികൾ ഓഫിസില് കയറി കൈയ്യേറ്റം ചെയ്തെന്നും ഓഫിസിന്റെ ബോർഡുകളും ചില്ലുകളും തകർത്തെന്നും ഉദ്യോഗസ്ഥർ അറിയിച്ചു.
ആക്രമണം നടത്തിയ ശ്യാമിനെ പോലീസ് അറസ്റ്റ് ചെയ്തിട്ടുണ്ട്. എന്നാൽ ലതീഷ് ഓടി രക്ഷപ്പെട്ടു. ഔദ്യാഗിക കൃത്യ നിർവഹണം തടസപ്പെടുത്തിയതിന് ഇരുവർക്കുമെതിരെ കേസെടുത്തിട്ടുണ്ടെന്ന് എക്സൈസ് പറഞ്ഞു.
Malabar News: ആറളത്ത് കൊമ്പനാന ചരിഞ്ഞത് ശ്വാസകോശത്തിലും കരളിലുമേറ്റ മുറിവ് മൂലം