തിരുവനന്തപുരം: നിയമസഭാ തിരഞ്ഞെടുപ്പിൽ തോമസ് ഐസക്കിനും ജി സുധാകരനും ഇളവ് നൽകണമെന്ന് ആവശ്യം. മൂന്ന് തവണ മൽസരിച്ചവരെ സ്‌ഥാനാർഥികൾ ആക്കേണ്ടെന്ന മാനദണ്ഡത്തിൽ മന്ത്രിമാരായ തോമസ് ഐസക്കിനും ജി സുധാകരനും ഇളവ് നൽകണമെന്ന് സിപിഎം ആലപ്പുഴ ജില്ലാ സെക്രട്ടറിയേറ്റാണ് ആവശ്യപ്പെട്ടത്.
മുതിർന്ന നേതാക്കളായ ഇരുവരും മൽസര രംഗത്ത് ഉണ്ടാകുന്നത് പ്രവർത്തകരിൽ ആവേശം ഉണ്ടാക്കുമെന്ന് ജില്ലാ സെക്രട്ടറിയേറ്റ് യോഗത്തിൽ നേതാക്കൾ അഭിപ്രായപ്പെട്ടു. ഇരുവരുടെയും വിജയസാധ്യത പരിഗണിക്കണമെന്നും യോഗത്തിൽ ആവശ്യം ഉയർന്നു.
ജി സുധാകരൻ ഏഴ് തവണയും തോമസ് ഐസക്ക് അഞ്ച് തവണയുമാണ് നിയമസഭാംഗങ്ങളായത്.
Also Read: ഇഎംസിസി വിവാദം: വിവരം തന്നത് മൽസ്യത്തൊഴിലാളി; രമേശ് ചെന്നിത്തല
