കണ്ണൂർ: രോഗികളെ പരിശോധിക്കുന്നതിനിടെ ഡോക്‌ടർ കുഴഞ്ഞുവീണ് മരിച്ചു. കണ്ണൂരിലെ പ്രശസ്‌ത ശിശുരോഗ വിദഗ്‌ധനും മെഡ് ക്ളിനിക് ഉടമയുമായ കക്കാട് ജോർജാൻ സ്‌കൂളിന് സമീപം ‘മിലനി’ൽ ഡോ. എസ്‌വി അൻസാരിയാണ് (59) മരിച്ചത്. രോഗികളെ പരിശോധിക്കുന്നതിനിടെ വ്യാഴാഴ്‌ചയാണ് സ്വകാര്യ ആശുപത്രിയിൽ വെച്ച് ഡോക്‌ടർ കുഴഞ്ഞുവീണത്. ഉടൻ അത്യാഹിത വിഭാഗത്തിൽ എത്തിച്ചെങ്കിലും മരിച്ചു. ഹൃദയാഘാതമാണ് മരണ കാരണമെന്ന് ഡോക്‌ടർമാർ അറിയിച്ചു.
പരേതരായ പീഡിയാട്രിക് ഡോക്‌ടറും റഷീദ് ക്ളിനിക് ഉടമയുമായ എകെ കാദർകുഞ്ഞിന്റെ മകനാണ്. മാതാവ്: കുഞ്ഞാമിന. ഭാര്യ: ഡോ. സവിത അൻസാരി. മക്കൾ: ഡോ. ജസീം അൻസാരി (ബെംഗളൂരു), ഡോ. ഹൈബ അൻസാരി (കൊല്ലം). മരുമക്കൾ: ഫഹദ്, ഡോ. ഷമീന.
Read also: കൊച്ചി പീഡനം; മാര്‍ട്ടിന്‍ ജോസഫിനെ ഇന്ന് കോടതിയില്‍ ഹാജരാക്കും
