വാഷിംഗ്ടണ് ഡിസി: അമേരിക്കയില് പ്രതിരോധ സെക്രട്ടറിയെ പുറത്താക്കി ഡൊണാള്ഡ് ട്രംപ്. പ്രതിരോധ സെക്രട്ടറി മാര്ക് എസ്പറെയാണ് തെരഞ്ഞെടുപ്പില് ബൈഡനോട് പരാജയപ്പെട്ട ട്രംപ് പുറത്താക്കിയത്. 70 ദിവസം കൂടി വൈറ്റ്ഹൗസില് തനിക്കുള്ള അധികാരം ഉപയോഗിച്ചാണ് ട്രംപ് എസ്പറെ പുറത്താക്കിയത്.
ദേശീയ ഭീകര വിരുദ്ധസേനാ തലവനായ ക്രിസ്റ്റഫര് സി മില്ലറാണ് പുതിയ പ്രതിരോധ സെക്രട്ടറി. ട്രംപിന്റെ തീരുമാനത്തിന് പിന്നാലെ വൈറ്റ്ഹൗസിലെത്തി മില്ലര് സെക്രട്ടറി സ്ഥാനമേറ്റെടുത്തു.
ആദ്യ പ്രതിരോധ സെക്രട്ടറി ജെയിംസ് മാറ്റിസ് രാജി വച്ചതിനെ തുടര്ന്നായിരുന്നു എസ്പറെ പ്രതിരോധ സെക്രട്ടറിയായി നിയമിച്ചത്. നയങ്ങളിലെ ചേര്ച്ചയില്ലായ്മയെ തുടര്ന്നാണ് ജെയിംസ് മാറ്റിസ് രാജിവെച്ചത്.
Read Also: പുതിയ ടിക്കറ്റ് നിരക്കുകള് പ്രഖ്യാപിച്ച് ഖത്തര് എയര്വേയ്സ്