ജയ്പൂര്: രാജസ്ഥാനില് കനത്ത മഴ തുടരുന്നതിനിടെ വാച്ച് ടവറില് സെല്ഫിയെടുക്കാൻ കയറിയ 11 പേര് മിന്നലേറ്റ് മരിച്ചു. ജയ്പൂരിലെ അമേര് കൊട്ടാരത്തിലെ വാച്ച് ടവറിൽ കയറിയവരാണ് മിന്നലേറ്റ് മരിച്ചത്. നിരവധി പേര്ക്ക് പരിക്കേല്ക്കുകയും ചെയ്തു. ഇടിമിന്നലിനെ തുടര്ന്ന് നിരവധി സന്ദർശകർ വാച്ച് ടവറില് നിന്നും താഴേക്ക് ചാടിയിരുന്നു. സമീപത്തെ കാട്ടിനുള്ളിലേക്ക് വീണ ഇവരെ കണ്ടെത്താനായുള്ള ശ്രമങ്ങള് തുടരുകയാണ്. എത്രപേര് താഴേക്ക് ചാടിയിട്ടുണ്ടെന്ന് വ്യക്തമല്ല. മിന്നലേറ്റ് മരിച്ചവരുടെ കുടുംബത്തിന് രാജസ്ഥാന് മുഖ്യമന്ത്രി അശോക് ഗലോട്ട് നാല് ലക്ഷം രൂപ ധനസഹായം പ്രഖ്യാപിച്ചിട്ടുണ്ട്.
Read also: ഉത്തര്പ്രദേശ് തിരഞ്ഞെടുപ്പ്; ബിജെപിക്കെതിരെ വിശാലസഖ്യത്തിന് ചന്ദ്രശേഖർ ആസാദ്