കൊച്ചി: കള്ളപ്പണം വെളുപ്പിക്കൽ കേസിൽ മുൻ പൊതുമരാമത്ത് വകുപ്പ് മന്ത്രി വികെ ഇബ്രാഹിം കുഞ്ഞിനെ എൻഫോഴ്‌സ്‌മെന്റ് ഡയറക്‌ടറേറ് ഇന്ന് ചോദ്യം ചെയ്യും. രാവിലെ 11 മണിയോടെ കൊച്ചിയിലെ ഓഫീസിൽ എത്താനാണ് ഇബ്രാഹിം കുഞ്ഞിനോട് ഇഡി ആവശ്യപ്പെട്ടിരിക്കുന്നത്.
നോട്ട് നിരോധന കാലത്ത് 10 കോടി രൂപയുടെ കള്ളപ്പണം ചന്ദ്രിക ദിനപത്രം വഴി വെളുപ്പിച്ചെന്നാണ് കേസ്. ചന്ദ്രികയുടെ അക്കൗണ്ടിൽ അടച്ചത് കള്ളപ്പണമാണെന്ന് വികെ ഇബ്രാഹിം കുഞ്ഞ് സമ്മതിച്ചതായി വിജിലൻസ് കോടതിയിലെ അറിയിച്ചിരുന്നു. ആദായനികുതി വകുപ്പിനോടാണ് ഇബ്രാഹിം കുഞ്ഞിന്റെ കുറ്റസമ്മതം.
നികുതി അടക്കാത്ത പണമാണ് ചന്ദ്രികയുടെ അക്കൗണ്ടിൽ നിക്ഷേപിച്ചതെന്ന് സമ്മതിച്ച് ആദായ നികുതി വകുപ്പിന് ഇബ്രാഹിം കുഞ്ഞ് കത്തയച്ചിരുന്നുവെന്നും വിജിലൻസ് കോടതിയിൽ അറിയിച്ചു. വിജിലൻസ് കോടതിയിൽ സമർപ്പിച്ച റിപ്പോർട്ടിലാണ് ഇക്കാര്യമുള്ളത്.
Read also: കോട്ടക്കലിൽ 20 ലക്ഷം രൂപ പിടികൂടി
