തിരുവനന്തപുരം : ഇഎസ്ഐ വിഹിതം മുടങ്ങിയ ഗുണഭോക്താക്കൾക്ക് മെഡിക്കൽ ആനുകൂല്യങ്ങൾ തുടർന്നും ലഭിക്കാനായി യോഗ്യതാ മാനദണ്ഡങ്ങളിൽ ജൂൺ 30 വരെ ഒറ്റത്തവണ ഇളവു നൽകാൻ ഇഎസ്ഐ കോർപറേഷൻ തീരുമാനിച്ചു. നിലവിലത്തെ കോവിഡ് വ്യാപന സാഹചര്യത്തിൽ സ്ഥാപനങ്ങൾ അടച്ചു പൂട്ടിയതിനാൽ വിഹിതം മുടങ്ങിയത് കണക്കിലെടുത്താണ് ഇപ്പോൾ ഇഎസ്ഐ പുതിയ തീരുമാനം എടുത്തിരിക്കുന്നത്.
അതിനാൽ തന്നെ ഇഎസ്ഐ ആനുകൂല്യങ്ങൾക്ക് നിലവിൽ അർഹതയുള്ള ഗുണഭോക്താവിന് സൂപ്പർ സ്പെഷ്യാലിറ്റി ഉൾപ്പെടെ എല്ലാ മെഡിക്കൽ ആനുകൂല്യങ്ങൾക്കും ഉള്ള യോഗ്യത പരിശോധിക്കുമ്പോൾ 2020 ഏപ്രിൽ 1 മുതൽ സെപ്റ്റംബർ 30 വരെ വിഹിതം അടച്ചതായി കണക്കാക്കുമെന്ന് ഇഎസ്ഐ കോർപറേഷൻ ഡെപ്യൂട്ടി ഡയറക്ടർ ഇൻ ചാർജ് ഡി പ്രശാന്ത് വ്യക്തമാക്കി.
Read also : 45 വയസ് കഴിഞ്ഞവർക്കുള്ള കോവിഡ് വാക്സിനേഷൻ ഇന്ന് മുതൽ