മായാപുരി: ഡെൽഹിയിലെ മാസ്ക് നിർമാണ യൂണിറ്റിൽ വൻ തീപിടുത്തം. മായാപുരിയിൽ പ്രവർത്തിക്കുന്ന മാസ്ക് നിർമാണ ശാലയിൽ ഇന്ന് പുലർച്ചെ 3.50ഓടെയാണ് അപകടം ഉണ്ടായത്. മൂന്ന് പേരെ രക്ഷപെടുത്തിയെങ്കിലും ഒരാൾ ആശുപത്രിയിൽ വെച്ച് മരിച്ചു. ജുഗൽ കിഷോർ എന്നയാളാണ് മരിച്ചത്.
നിർമാണ ശാലയുടെ മൂന്നാം നിലയിൽ സൂക്ഷിച്ചിരുന്ന അസംസ്കൃത വസ്തുക്കൾക്ക് തീപിടിച്ചതിനെ തുടർന്നാണ് അപകടം ഉണ്ടായതെന്ന് ഡെൽഹി ഫയർ സർവീസ് (ഡിഎഫ്എസ്) ഓഫീസർ അറിയിച്ചു. ഫാക്ടറിയുടെ വാതിൽ തകർത്താണ് ജുഗൽ കിഷോർ ഉൾപ്പടെ മൂന്ന് പേരെ രക്ഷപെടുത്തിയതെന്നും അദ്ദേഹം പറഞ്ഞു. ജുഗൽ കിഷോർ അബോധാവസ്ഥയിൽ ആയിരുന്നു. ഇയാളെ ഉടൻ തന്നെ ദീൻ ദയാൽ ഉപാധ്യായ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു. അമാൻ അൻസാരി (18) ഫിറോജ് അൻസാരി (24) എന്നിവരാണ് രക്ഷപെട്ടത്.
Also Read: വോട്ടര്പട്ടിക പുതുക്കല് യജ്ഞം 2021; ഡിസംബര് 31 വരെ പേര് ചേര്ക്കാം