ന്യൂഡെൽഹി: ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ (എയിംസ്) അഗ്നിബാധ. ഇന്നലെ രാത്രി 10.22ഓടെയാണ് അപകടം ഉണ്ടായത്. അപകടത്തിൽ ആർക്കും പരിക്കേറ്റിട്ടില്ലെന്നാണ് റിപ്പോർട്. കൺസർവേഷൻ ബ്ളോക്കിന്റെ ഒൻപതാം നിലയിലാണ് തീ പടർന്നത്. തുടർന്ന് 22 ഫയർ എൻജിനുകൾ സ്ഥലത്തെത്തി രക്ഷാപ്രവർത്തനം നടത്തി.
ഒൻപതാം നിലയിലെ റഫ്രിജറേറ്ററിലെ ഷോർട്ട് സർക്യൂട്ട് മൂലമാണ് അപകടം സംഭവിച്ചത്. മെഡിക്കൽ വിദ്യാർഥികൾക്ക് ക്ളാസ് നടക്കുന്ന സ്ഥലത്താണ് തീ പടർന്നത്. ഇവിടെ രോഗികളാരും ഉണ്ടാകാറില്ലെന്നും, അതിനാൽ തന്നെ അപകടം ഒഴിവാക്കാൻ സാധിച്ചെന്നും ഡെൽഹി ഫയർ സർവീസസ് ഡയറക്ടർ അതുൽ ഗാർഗ് അറിയിച്ചു.
Read also: കെഎസ്ആർടിസി ഓർഡിനറി സർവീസ്; സംസ്ഥാനത്ത് ഇന്ന് മുതൽ