മെല്‍ബണ്‍: മൽസ്യ തൊഴിലാളികളുടെ വലയിൽ കുടുങ്ങിയ വിചിത്ര മൽസ്യമാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. ഭീമൻ വായയും കൂർത്ത പല്ലുകളും നീണ്ട ഉടലുമുള്ള ഈ വിചിത്ര മൽസ്യത്തെ കണ്ട മൽസ്യ തൊഴിലാളികൾ ആദ്യം ഒന്ന് ഞെട്ടി. ഹോളിവുഡ് ചിത്രത്തിലെ ഏതോ ഭീകര സത്വത്തെ ഓര്‍മപ്പെടുത്തുന്ന രൂപമായിരുന്നു ഈ മൽസ്യത്തിന്.
ഓസ്‌ട്രേലിയക്കാരായ നാറ്റ് ഇദൻ ഇസാക്ക് എന്ന മൽസ്യ തൊഴിലാളിക്കാണ് ഈ ഭീകര മൽസ്യത്തെ കിട്ടിയത്. ഇദ്ദേഹം ഫേസ്ബുക്കിൽ പങ്കുവച്ച ചിത്രത്തിലൂടെയാണ് ഈ മൽസ്യത്തെ കുറിച്ച് ലോകം അറിയുന്നത്. ‘ഈൽ’ വിഭാഗത്തിൽപ്പെട്ട മൽസ്യമാണ് ഇതെന്ന് കരുതപ്പെടുന്നു. മനുഷ്യരുടെ പല്ലുകളോട് സാമ്യമുള്ളതാണ് ഈ മീനിന്റെ പല്ലുകളെന്ന് നാറ്റ് ഇദൻ വ്യക്‌തമാക്കി. അതീവ അപകടകാരികളായ മൽസ്യങ്ങളാണ് ഇവയെന്നും അദ്ദേഹം പറയുന്നു.
ഭീകര രൂപമായത് കൊണ്ടു തന്നെ മൽസ്യത്തെ ചിത്രം എടുത്ത ശേഷം കടലില്‍ ഉപേക്ഷിച്ചുവെന്നും നാറ്റ് ഇദന്‍ പറഞ്ഞു.
Also Read: സമയോചിതമായി തൊഴിലാളിയെ രക്ഷിച്ചു; വൈറലായ യുവാവിന് ജോലി നൽകി ഊരാളുങ്കൽ സൊസൈറ്റി
