ഇന്ത്യ-യുഎഇ വിമാനയാത്ര; ടിക്കറ്റ് നിരക്കിലെ വർധന തുടരുന്നു

By Team Member, Malabar News
Flight Ticket Charges Of UAE-India Are Increased
Ajwa Travels

അബുദാബി: ഇന്ത്യയിൽ നിന്നും യുഎഇയിലേക്കുള്ള വിമാനടിക്കറ്റിന് ഇപ്പോഴും പൊള്ളുന്ന വില. നിലവിൽ യുഎഇയിലേക്ക് യാത്ര ചെയ്യുന്ന ആളുകളുടെ എണ്ണത്തിൽ ഉണ്ടായ വർധനക്കൊപ്പം വിമാന സർവീസുകൾ ഇല്ലാത്തതാണ് വില വർധന തുടരാൻ കാരണം. കോവിഡ് വ്യാപനത്തിന്റെ പശ്‌ചാത്തലത്തിലുള്ള പരിമിതമായ സർവീസുകൾ മാത്രമാണ് ഇപ്പോഴും ഇന്ത്യയിൽ നിന്നുള്ളത്. ഇത് മാറി വിമാനസർവീസുകൾ സാധാരണ നിലയിലായാൽ മാത്രമേ ടിക്കറ്റ് നിരക്കിൽ കുറവ് ഉണ്ടാകുകയുള്ളൂ എന്നും ട്രാവൽ ഏജൻസികൾ വ്യക്‌തമാക്കുന്നുണ്ട്.

കൊച്ചിയിൽ നിന്നും ഷാർജയിലേക്കുള്ള എയർ അറേബ്യ വിമാനത്തിലാണ് നാളെ ടിക്കറ്റ് നിരക്ക് കുറവുള്ളത്. 19,500-20800 രൂപയാണ് ഇതിലെ നാളത്തെ ടിക്കറ്റ് നിരക്ക്. ദുബായിലേക്ക് ഫ്‌ളൈ ദുബായിൽ 26900–28,200 രൂപ, എയർ ഇന്ത്യാ എക്‌സ്‍പ്രസിൽ 28500 രൂപ, സ്‌പൈസ് ജെറ്റ് 38,500 രൂപ, എമിറേറ്റ്സ് 48,500, കണക്‌ഷൻ വഴിയുള്ള ഇൻഡിഗോയ്‌ക്ക്‌ 40,000 രൂപ എന്നിങ്ങനെയാണ് നിലവിലെ നിരക്കുകൾ.

കൂടാതെ അബുദാബിയിലേക്കാണ് യാത്ര ചെയ്യുന്നതെങ്കിൽ 3000-6000 രൂപ ടിക്കറ്റിനത്തിൽ കൂടുതൽ നൽകുകയും വേണം. ഇതിനൊപ്പം 3000 രൂപ വരെ 2 കോവിഡ് പിസിആർ ടെസ്‌റ്റിനും ആളുകൾക്ക് ചിലവാകും. കോവിഡ് വ്യാപനത്തിന് മുൻപ് ഒക്‌ടോബർ, നവംബർ മാസങ്ങളിൽ നാട്ടിൽ പോയി വരാൻ 15,000 രൂപയോളം മതിയായിരുന്ന സ്‌ഥാനത്ത് ഇപ്പോൾ ഒരു വശത്തേക്ക് മാത്രം 20,000 രൂപ ചിലവാക്കേണ്ട സ്‌ഥിതിയാണ്‌.

Read also: സ്‌കൂൾ തുറക്കൽ; നവംബർ 1ന് പ്രവേശനോൽസവം

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE