തിരുവനന്തപുരം: ഇടതു മുന്നണിക്ക് തുടർഭരണം പ്രവചിച്ചുകൊണ്ട് പുറത്ത് വന്ന എക്‌സിറ്റ് പോള്‍ ഫലങ്ങള്‍ പരിഹാസ്യമാണെന്ന് മുന്‍ മുഖ്യമന്ത്രി ഉമ്മന്‍ചാണ്ടി. ശ്രദ്ധ തിരിക്കാനും മനോവീര്യം തകര്‍ക്കാനും വേണ്ടി മാത്രമുള്ളതാണ് ഇവയെന്ന് ഉമ്മന്‍ചാണ്ടി ഫേസ്ബുക്ക് പോസ്‌റ്റിൽ പറഞ്ഞു.
‘ജനാധിപത്യ ബോധ്യമുള്ള സമൂഹത്തെ പരിഹസിക്കുന്നതാണ് അശാസ്‍ത്രീയ സര്‍വേകള്‍. യുഡിഎഫിന് ജനങ്ങളില്‍ പൂര്‍ണ വിശ്വാസമുണ്ട്. ജനങ്ങള്‍ എല്‍ഡിഎഫ് ദുര്‍ഭരണത്തിന് എതിരെ വിധിയെഴുതി കഴിഞ്ഞു. സ്വജന പക്ഷപാതവും അഴിമതി നിറഞ്ഞതുമായ ഭരണം അവസാനിക്കാനാണ് ജനങ്ങള്‍ ആഗ്രഹിക്കുന്നത്. തികഞ്ഞ ആത്‌മവിശ്വാസത്തോടെ ഐക്യജനാധിപത്യ മുന്നണി മുന്നോട്ടു പോകും’, ഉമ്മന്‍ചാണ്ടി പറഞ്ഞു.
അതേസമയം, ദേശീയ മാദ്ധ്യമങ്ങൾ അടക്കം പുറത്ത് വിട്ട എക്‌സിറ്റ് പോള്‍ ഫലങ്ങളിൽ ഇത്തവണയും ഭരണം ഇടതു മുന്നണിക്ക് തന്നെയെന്നാണ് പ്രവചനം.
Read also: ‘ജില്ലകളിൽ ലോക്ക്ഡൗൺ പരിഗണിക്കും, നിയന്ത്രണങ്ങൾ കർശനമാക്കും’; മുഖ്യമന്ത്രി
