കൊച്ചി: എറണാകുളത്ത് നടന്ന വാഹനാപകടത്തിൽ മിസ് കേരള 2019 അൻസി കബീർ, മിസ് കേരള 2019 അൻജന ഷാജൻ എന്നിവർക്ക് ദാരുണാന്ത്യം. തിങ്കളാഴ്‌ച പുലർച്ചെ ഒരുമണിയോടെ ആയിരുന്നു സംഭവം. ഇവർ സഞ്ചരിച്ചുന്ന കാർ എറണാകുളം ബൈപ്പാസ് റോഡിൽ ഹോളിഡേ ഇൻ ഹോട്ടലിന് മുന്നിൽ വെച്ചാണ് അപകടത്തിൽ പെട്ടത്. ബൈക്കുമായി കൂട്ടിയിടിക്കാതിരിക്കാൻ പെട്ടെന്ന് കാർ വെട്ടിച്ചതാണ് അപകടത്തിന് കാരണമായതെന്ന് പോലീസ് പറയുന്നു.
ബൈപ്പാസ് റോഡിൽ നിന്ന് സർവീസ് റോഡിലേക്ക് ഇടിച്ചിറങ്ങിയ നിലയിലാണ് വാഹനം. വാഹനത്തിന്റെ ഇരുവശവും മുൻവശവും പൂർണമായും തകർന്നു. തിരുവനന്തപുരം ആറ്റിങ്ങൽ ആലങ്കോട് സ്വദേശിയാണ് അൻസി കബീർ. അൻജന തൃശൂർ സ്വദേശിനിയാണ്. ഇരുവരും സംഭവ സ്‌ഥലത്ത് വെച്ചുതന്നെ മരിച്ചിരുന്നു. നാല് പേരാണ് വാഹനത്തിൽ ഉണ്ടായിരുന്നത്. ഇതിൽ രണ്ടുപേരിൽ ഒരാളുടെ നില ഗുരുതരമാണ്. ഇരുവരും എറണാകുളം മെഡിക്കൽ സെന്ററിൽ ചികിൽസയിലുണ്ട്. മരിച്ച യുവതികളുടെ മൃതദേഹങ്ങളും ഇവിടെ സൂക്ഷിച്ചിട്ടുണ്ട്.
Also Read: കരിപ്പൂർ സ്വർണക്കവർച്ചാ കേസ്; മുഖ്യ പ്രതി റഫീഖ് പിടിയിൽ
