കൊല്ലം: അഴീക്കലില്‍ മൽസ്യബന്ധന ബോട്ട് മുങ്ങി നാല് പേർ മരിച്ചു. സുനില്‍ ദത്ത്, സുദേവന്‍, തങ്കപ്പന്‍, ശ്രീകുമാര്‍ എന്നീ മൽസ്യ തൊഴിലാളികളാണ് മരിച്ചത്. അഴീക്കല്‍ ഹാര്‍ബറിന് ഒരു നോട്ടിക്കല്‍ മൈല്‍ അകലെ രാവിലെ 10.30ഓടെ ആയിരുന്നു അപകടമുണ്ടായത്.
മൽസ്യബന്ധനം കഴിഞ്ഞ് തിരികെ വരികയായിരുന്ന ‘ഓംകാരം’ എന്ന ബോട്ടാണ് അപകടത്തില്‍പെട്ടത്. അകെ 16 പേരാണ് ബോട്ടിൽ ഉണ്ടായിരുന്നത്. രക്ഷപ്പെട്ട 12 പേരെ കായംകുളം, ഓച്ചിറ, കരുനാഗപ്പള്ളി എന്നിവിടങ്ങളിലെ ആശുപത്രികളില്‍ പ്രവേശിപ്പിച്ചു. വലയില്‍ കുടുങ്ങി ബോട്ട് മറിയുകയായിരുന്നു എന്ന് കോസ്‌റ്റൽ പോലീസ് പറഞ്ഞു.
Most Read: പ്രതിരോധം തീർത്ത് പഞ്ച്ഷീർ; 13 താലിബാൻ തീവ്രവാദികളെ കൊലപ്പെടുത്തി
