പാലക്കാട്: ജില്ലയിലെ ആറ് കേന്ദ്രങ്ങളിൽ നാളെ സൗജന്യ ആർടിപിസിആർ പരിശോധന നടക്കും. രാവിലെ 9.30 മുതൽ വൈകീട്ട് 4 വരെയാണ് പരിശോധന നടക്കുന്നത്. ഇന്നും ജില്ലയിലെ ആറോളം കേന്ദ്രങ്ങളിൽ സൗജന്യ പരിശോധന നടന്നിരുന്നു.
നാളെ പരിശോധന നടക്കുന്ന കേന്ദ്രങ്ങൾ:
1. വെങ്ങന്നൂർ മോഡൽ സെൻട്രൽ സ്‌കൂൾ, ആലത്തൂർ
2. രാജാസ് ഹയർ സെക്കൻഡറി സ്‌കൂൾ, കൊല്ലങ്കോട്
3. ഓങ്ങല്ലൂർ കുടുംബാരോഗ്യ കേന്ദ്രം
4. ഗവ. ഹയർ സെക്കൻഡറി സ്‌കൂൾ, ചാലിശ്ശേരി
5. പഞ്ചായത്ത് കമ്മ്യൂണിറ്റി ഹാൾ, പുതുനഗരം
6. ആർപിഎം ഹയർ സെക്കൻഡറി സ്‌കൂൾ പനങ്ങാട്ടിരി, എലവഞ്ചേരി
ഏപ്രിൽ 1 മുതൽ ജൂൺ 1 വരെയുള്ള കാലയളവിൽ പാലക്കാട് ജില്ലയിൽ 477,641 പേരിൽ കോവിഡ് പരിശോധന നടത്തിയിട്ടുണ്ട്. ഇതിൽ 110,430 പേർക്കാണ് രോഗം സ്‌ഥിരീകരിച്ചത്. ഇന്ന് ജില്ലയിൽ 2178 പേർക്കാണ് രോഗബാധ ഉണ്ടായത്. ടെസ്‌റ്റ് പോസിറ്റിവിറ്റി നിരക്ക് 21.48.
Read Also: മുഖ്യമന്ത്രിക്കും പ്രതിപക്ഷ നേതാവിനും ‘ലക്ഷദ്വീപ് മുസ്‌ലിം ജമാഅത്തിന്റെ’ അഭിനന്ദനം
