ന്യൂഡെൽഹി: വൻ വില വർധനയുടെ നാളുകൾക്ക് ശേഷം രാജ്യത്ത് ഇന്ധനവിലയിൽ ഇടിവ്. പെട്രോൾ, ഡീസൽ നിരക്കുകൾ കുറഞ്ഞു. വിവിധ നഗരങ്ങളിൽ പെട്രോളിന് 18 പൈസയും ഡീസലിന് 17 പൈസയുമാണ് കുറഞ്ഞത്. കഴിഞ്ഞ 18 ദിവസമായി ഇന്ധന വില വില മാറ്റമില്ലാതെ തുടരുകയായിരുന്നു.
കേരളത്തിൽ ഒരു ലിറ്റർ പെട്രോളിന് ഇന്ന് 92.87 രൂപയും ഡീസലിന് 87.35 രൂപയുമാണ് വില. വിവിധ നഗരങ്ങളിലെ വില പരിശോധിക്കുമ്പോൾ, കൊച്ചിയിൽ പെട്രോളിന് ലിറ്ററിന് 90.86 രൂപയാണ് വില. ഡീസലിന് 85.41 രൂപയും. കോഴിക്കോട് പെട്രോളിന് 91.24 രൂപയും ഡീസലിന് 85.82 രൂപയുമാണ് ഇന്നത്തെ വില. മെട്രോ നഗരമായ ഡെൽഹിയിൽ ഒരു ലിറ്റർ പെട്രോളിന് 90.99 രൂപയാണ് വില. ഡീസലിന് 81.30 രൂപയും. മുംബൈയിൽ ഒരു ലിറ്റർ പെട്രോളിന് 97.40 രൂപയും ഡീസലിന് 88.42 രൂപയുമാണ് വില.
അതേസമയം, കേരളം ഉൾപ്പടെയുള്ള സംസ്‌ഥാനങ്ങളിലെല്ലാം തന്നെ ഇന്ധന വില സർവകാല റെക്കോർഡിലാണ്. കൂടാതെ ചില്ലറ ഇന്ധന വില ഇപ്പോൾ 2018 ഒക്‌ടോബറിന് ശേഷമുള്ള ഏറ്റവും ഉയർന്ന നിരക്കിലുമാണ്. പെട്രോളിന് അന്ന് 85 രൂപ 99 പൈസ ആയിരുന്നു. ഈ സർവകാല റെക്കോർഡാണ് നിലവിലെ ഇന്ധന വില മറികടന്നിരിക്കുന്നത്.
Also Read: കർഷക സമരം; രാജ്യത്ത് ഇതുവരെ 814.4 കോടിയുടെ ടോൾ നഷ്‌ടം
