ന്യൂഡെൽഹി: രാജ്യത്ത് പെട്രോള്, ഡീസല് വിലയില് വീണ്ടും വര്ധനവ്. ഇന്ന് പെട്രോള് ലിറ്ററിന് 25 പൈസയും ഡീസലിന് 32 പൈസയും കൂട്ടി. ഇതോടെ കൊച്ചിയില് പെട്രോള് ലിറ്ററിന് 102 രൂപ 98 പൈസയും ഡീസലിന് 95 രൂപ 17 പൈസയുമായി. തിരുവനന്തപുരത്ത് പെട്രോള് ലിറ്ററിന് 104 രൂപ 88 പൈസയും ഡീസലിന് 96 രൂപ 31 പൈസയുമാണ് ഇന്നത്തെ വില.
കോഴിക്കോട് പെട്രോള് ലിറ്ററിന് 103 രൂപ 09 പൈസയും ഡീസലിന് ഇന്നത്തെ വില 96 രൂപ 31 പൈസയുമാണ്. തുടർച്ചയായി രാജ്യത്ത് ഇന്ധന വില വർധിച്ചു കൊണ്ടിരിക്കുന്നത് സാധാരണക്കാർക്ക് തിരിച്ചടിയാണ്. കോവിഡ് രണ്ടാം തരംഗം പൂർണമായും വിട്ടൊഴിയാത്ത സാഹചര്യത്തിൽ വരുമാനം കുറഞ്ഞ പൗരൻമാർക്ക് ഇന്ധനവില വലിയ ബാധ്യതയാണ് ഉണ്ടാക്കുന്നത്.
Read Also: മണിക്കൂറുകൾ നീണ്ട പ്രതിസന്ധി; ഫേസ്ബുക്ക് അടക്കമുള്ള ആപ്പുകൾ തിരിച്ചെത്തി