തിരുവനന്തപുരം : സംസ്ഥാനത്ത് ഇന്ന് സ്വർണവിലയിൽ ഇടിവ്. കഴിഞ്ഞ കുറച്ചു ദിവസങ്ങളായി തുടർച്ചയായി ഉണ്ടായ വർധനവിന് ശേഷമാണ് ഇപ്പോൾ സ്വർണവിലയിൽ കുറവ് രേഖപ്പെടുത്തിയത്. പവന് 200 രൂപയാണ് സംസ്ഥാനത്ത് ഇന്ന് കുറഞ്ഞത്. ഇതോടെ ഒരു പവൻ സ്വർണത്തിന്റെ വില 36,000 ആയി.
അതേസമയം തന്നെ ഗ്രാമിന് 25 രൂപ കുറഞ്ഞ് വില 4,500 രൂപയിലുമെത്തി. കഴിഞ്ഞ ദിവസം 36,200 രൂപയായിരുന്നു സംസ്ഥാനത്ത് സ്വർണവില. ആഗോള വിപണിയിലും സ്വർണവിലയിൽ കുറവ് രേഖപ്പെടുത്തിയിട്ടുണ്ട്. സ്പോട് ഗോൾഡ് വില ട്രോയ് ഔൺസിന് 1,812.36 ഡോളർ നിലവാരത്തിലാണ് വ്യാപാരം നടന്നത്.
സ്വർണവിലയിൽ നിലവിൽ ഇടിവ് വരാൻ പ്രധാന കാരണം യുഎസ് ഫെഡ് റിസർവ് ഭാവിയിൽ പലിശ നിരക്ക് ഉയർത്തേണ്ടിവരുമെന്ന് ആവർത്തിച്ച് പ്രഖ്യാപിച്ചതാണ്.
Read also : ഇന്ത്യ-യുഎഇ സർവീസുകൾ ജൂലൈ 31 വരെ ഉണ്ടാകില്ല; ഇത്തിഹാദ് എയർവേയ്സ്