തിരുവനന്തപുരം: സംസ്ഥാനത്ത് സ്വർണവിലയിൽ വലിയ വർധന. ഒരു പവൻ സ്വർണത്തിന് 800 രൂപയുടെ വർധനയാണ് ഇന്ന് രേഖപ്പെടുത്തിയത്. ഇതോടെ നിലവിൽ സംസ്ഥാനത്ത് ഒരു പവൻ സ്വർണത്തിന്റെ വില 37,440 ആയി ഉയർന്നു. രണ്ട് വർഷത്തിനിടെയുള്ള ഏറ്റവും ഉയർന്ന വില വർധനയാണ് ഇന്ന് സ്വർണവിലയിൽ രേഖപ്പെടുത്തിയത്.
ഗ്രാമിന് 100 രൂപ ഉയർന്ന് 4,680 രൂപയായും വില വർധിച്ചു. ഈ ആഴ്ചയുടെ ആദ്യ ദിനങ്ങളില് സ്വര്ണവിലയില് തുടര്ച്ചയായി വില വര്ധന രേഖപ്പെടുത്തിയിരുന്നു. എന്നാല് കഴിഞ്ഞ ദിവസം വില ഉയര്ന്നിരുന്നില്ല. ഇതിന് പിന്നാലെയാണ് പവന് ഒറ്റയടിക്ക് 800 രൂപ വര്ധിച്ചത്.
അന്താരാഷ്ട്ര വിപണിയിൽ സ്വർണ വില 35 ഡോളറാണ് വർധിച്ചിരിക്കുന്നത്. ഉക്രൈനിന് മേൽ അധിനിവേശം നടത്തുമെന്നതിന്റെ ശക്തമായ സൂചന പുറത്ത് വന്നതോടെ നിക്ഷേപകർ സ്വർണത്തിലേക്ക് മാറിയതാണ് സ്വർണവില കുത്തനെ ഉയരാൻ കാരണം.
Read also: ജമ്മു കശ്മീരിൽ 3 ഭീകരരെ പിടികൂടി സുരക്ഷാ സേന