കൊച്ചി: സംസ്ഥാനത്ത് സ്വർണ വിലയിൽ വർധന തുടരുന്നു. ഇന്ന് (ബുധനാഴ്ച) പവന് 200 രൂപകൂടി 34,120 രൂപയിലെത്തി. ഗ്രാമിന് 4265 രൂപയാണ് ഇന്നത്തെ വില. ഇതോടെ ഒരാഴ്ചക്കിടെ പവന് 800 രൂപയാണ് കൂടിയത്.
അതേസമയം, ആഗോള വിപണിയിൽ വില കുറയുകയും ചെയ്തു. കഴിഞ്ഞ ദിവസം 1,745.15 ഡോളർ നിലവാരത്തിലേക്ക് ഉയർന്ന സ്പോട് ഗോൾഡ് വില 1,739.46 ഡോളറിലേക്ക് താഴ്ന്നിട്ടുണ്ട്.
രാജ്യത്തെ കമ്മോഡിറ്റി വിപണിയായ എംസിഎക്സിൽ ഗോൾഡ് ഫ്യൂച്ചേഴ്സ് വിലയിലും ഇടിവുണ്ടായി. 10 ഗ്രാം 24 കാരറ്റ് സ്വർണത്തിന്റെ വില 0.33 ശതമാനം താഴ്ന്ന് 45,767 നിലവാരത്തിലെത്തി.
Also Read: ഇന്ധന വിൽപന കുറയുമെന്ന് ആശങ്ക; സൗദിയിൽ നിന്ന് എണ്ണ ഇറക്കുമതി കുറക്കാൻ ഇന്ത്യ