ഡെൽഹി: ഗൂഗിള്‍ സേവനങ്ങള്‍ ലോകമെമ്പാടും പ്രത്യേകിച്ച് ഇന്ത്യയില്‍ വ്യാഴാഴ്‌ച രാവിലെ മുതല്‍ തകരാറിലായി. ഗൂഗിള്‍ സേവനങ്ങള്‍ക്ക്, പ്രത്യേകിച്ച് ജിമെയിലിനുള്ള തകരാറാണ് സോഷ്യല്‍ മീഡിയയിലൂടെ റിപ്പോര്‍ട്ട് ചെയ്യപ്പെട്ടുകൊണ്ടിരിക്കുന്നത്.
റിപ്പോര്‍ട്ട് ചെയ്യപ്പെട്ടതില്‍ 62% ഉപഭോക്‌താക്കള്‍ക്ക് മെയില്‍ ചെയ്യുമ്പോള്‍ ഉള്ള അറ്റാച്ച്‌മെന്റ് പ്രശ്‌നവും 25% ആളുകള്‍ക്ക് ലോഗിന്‍ പ്രശ്‌നവുമാണ് നേരിടുന്നത്. എന്നാല്‍, എല്ലാവര്‍ക്കും ഈ പ്രശ്‌നങ്ങള്‍ നേരിടുന്നില്ല. ഇതിന്റെ കാരണങ്ങളില്‍ ഇതുവരെ ഗൂഗിൾ വ്യക്‌തത ലഭ്യമാക്കിയിട്ടില്ല.
പരാതികള്‍ റിപ്പോര്‍ട്ട് ചെയ്യപ്പെട്ടിടുള്ളത് ഗൂഗിളിന്റെ സ്‌റ്റാറ്റസ്‌ പേജ് സ്‌ഥിരീകരിച്ചിട്ടുണ്ട്. ജി- മെയിലിലും ഗൂഗിള്‍ ഡ്രൈവിലും പ്രശ്‌നങ്ങള്‍ നേരിടുന്നതായി റിപ്പോര്‍ട്ടുകള്‍ ലഭിച്ചതായാണ് അവര്‍ സ്‌ഥിരീകരിച്ചിട്ടുള്ളത്. ജനപ്രിയ ഇമെയില്‍ സേവനത്തില്‍ സന്ദേശങ്ങള്‍ സ്വീകരിക്കുന്നതില്‍ 11% ഉപഭോക്‌താക്കളാണ് ഇതുവരെ പ്രശ്‌നങ്ങള്‍ റിപ്പോര്‍ട്ട് ചെയ്‌തിട്ടുള്ളത്‌. മണിക്കൂറുകൾ കൊണ്ട് പ്രശ്‌നം പരിഹരിക്കപ്പെടും എന്നാണ് ടെക് ലോകം വിലയിരുത്തുന്നത്.
Most Read: അതി ജീവനത്തിന്റെ സ്വാതന്ത്ര്യ ദിനാശംസകള്‍ നേര്‍ന്ന് കൊണ്ട് മലബാര്‍ ന്യൂസ് പുനരാരംഭിക്കുകയാണ്
