ഹരിയാന: കർണാലിൽ പോലീസ് അതിക്രമത്തിൽ കൊല്ലപ്പെട്ട കർഷകൻ സുശീൽ കാജലിന്റേത് സർക്കാർ നടത്തിയ കൊലപാതകമെന്ന് കിസാൻ സഭ. സുശീലിന്റെ മരണത്തിൽ ഹൈക്കോടതി സിറ്റിംഗ് ജഡ്‌ജിയുടെ നേതൃത്വത്തിൽ ജുഡീഷ്യൽ അന്വേഷണം വേണമെന്ന് കിസാൻ സഭ ജനറൽ സെക്രട്ടറി ആവശ്യപ്പെട്ടു.
സുശീലിന്റെ കുടുംബത്തിന് അടിയന്തര സഹായമായി കിസാൻ സംഘർഷ്‌ ഫണ്ടിൽനിന്നുള്ള തുക കിസാൻസഭാ ഫിനാൻസ്‌ സെക്രട്ടറി പി കൃഷ്‌ണപ്രസാദ്‌ സുശീലിന്റെ ഭാര്യക്ക്‌ കൈമാറി.
സുശീലിന്റെ മരണത്തിന് ഉത്തരവാദികളായ പോലീസ് ഉദ്യോഗസ്‌ഥർക്കെതിരെ നടപടി വേണമെന്നും. കുടുംബത്തിന് നഷ്‌ട പരിഹാരം നൽകണമെന്നും കിസാൻ സഭ വ്യക്‌തമാക്കി. സുശീൽ കാജൽ കൊല്ലപ്പെട്ടത്‌ പൊലീസിന്റെ ക്രൂരമർദ്ദനം കാരണമെന്ന് കുടുംബം കുറ്റപ്പെടുത്തി. ഹൃദയാഘാതമാണ് മരണ കാരണമെന്നത് പോലീസിന്റെ കള്ളക്കഥയാണെന്നും ഭാര്യ സുദേഷി ആരോപിച്ചു.
Read also: പൊതുജനങ്ങള്‍ക്ക് ഒഴിഞ്ഞ വയറുമായി ഉറങ്ങേണ്ട അവസ്‌ഥ; മോദിക്കെതിരെ കോൺഗ്രസ്
